Greqi- Një ditë pas krimit të rëndë që ndodhi në prag të Krishtlindjes, dje në Varkizë (24 Dhjetor), ku mbeti i plagosur me thikë pas shpine një 50-vjeçar shqiptar, zbulohen detaje të reja dhe identifikohet autori i dyshuar i krimit.
Oficerët tashmë kanë edhe deklaratën e të dëmtuarit, duke zbardhur dinamikën dhe motivet e para.
Sulmi ndaj kopshtarit me origjinë shqiptare, ndodhi në kryqëzimin e Boreadis-it me Moussa-n, ndërsa autoritetet vlerësuan se ka ndodhur për mosmarrëveshje personale dhe në fakt për një arsye të parëndësishme.
Sipas informacioneve të deritanishme, papritur dhe derisa viktima ndodhej jashtë automjetit të tij, para ka ndaluar një veturë, nga e cila kanë zbritur dy persona dhe një motoçikletë nga e cila kanë zbritur dy të tjerë.
Njëri prej tyre e ka sulmuar, ka debatuar me të dhe e ka goditur me thikë tre herë në veshka. Tre të tjerët rezultojnë të papërfshirë në krim, por përkrahën autorin në largim.
Menjëherë pas kësaj, autori dhe personat që dyshohet se ishin me të janë larguar nga vendi i ngjarjes, ndërsa viktima e gjakosur ka ecur rreth 50 metra në shesh dhe ka kërkuar ndihmë nga punonjësja e një dyqani. Ndonëse e tronditur, ajo ia shtypi plagët me peshqir dhe thirri ambulancën dhe autoritetet, informon media greke.
Viktima është dërguar në Spitalin Asklepiio të Vulës ku po trajtohet jashtë rrezikut për jetën, ndërsa para se të hynte në urgjencë ka arritur të emërtojë në polici autorin e identifikuar, sipas të cilit kanë pasur mosmarrëveshje personale.
Dy-tre muaj më parë ata janë përleshur nën efektin e alkoolit dhe viktima dyshohet se kishte sharë autorin, i cili nuk dihet nëse kishte ngritur pritë apo e kishte parë rastësisht dje dhe më tej sulmuar.
Sigurimi është në kërkim të autorit të identifikuar, ndërsa hetimet vijojnë për të përcaktuar shkallën e përfshirjes dhe identitetin e personave të tjerë të pranishëm në atentat.
Vendi ku ndodhi plagosja
Vazhdojnë hetimet e autoriteteve greke për autorët e atentatit në Varkizë, pas informacioneve të dhëna nga viktima, një 50-vjeçar shqiptar, që punonte si kopshtar.
Policia greke dyshon se sulmi ka ndodhur për motive personale, që lidhen me një sherr të tre muajve më parë mes të plagosurit dhe autorit, i cili kishte si përforcim edhe tre të tjerë. Vetë shqiptari tregoi emrin e autorit për oficerët pasi mbërriti në spital.
Por rrethanat e pasngjarjes kanë qenë tronditëse, referuar dëshmive. Një grua që punonte si shitëse në dyqanin aty pranë, tha se i plagosuri thirri për ndihmë. Ajo shkoi atje dhe e gjeti të përgjakur, teksa mbante barkun me dorë, informon media greke.
Gruaja që telefonoi EKAV-in dhe i dha ndihmën e parë 50-vjeçarit tha:
“Burri kërkoi ndihmë. Atij i rridhte shumë gjak. Unë dhe një zotëri tjetër thirrëm EKAV-in dhe erdhën menjëherë, lajmëruam edhe policinë. Thjesht i vura një peshqir dhe i thashë të qëndronte pa lëvizur”.
Sipas policisë, shqiptari kishte goditje në pjesën e brinjëve, në veshka, të paktën 4 prerje thike.
Lajme të tjera
-
Alarm në Greqi, ujërat e zeza të Athinës të ‘mbingopura’ me kokainë! Dyfishohet konsumi i drogës gjatë festave, ulet niveli i COVID-it
25 Dhjetor, 17:15 -
Greqi/ Plagoset me thikë pas shpine 50-vjeçari shqiptar, e sulmuan 4 persona! Autorët udhëtonin me makinë dhe motor
24 Dhjetor, 16:06 -
Itali/ U kap duke shitur kokainë, 29-vjeçari shqiptar lirohet pasi pranoi akuzën, dënohet me kusht (EMRI)
24 Dhjetor, 15:54 -
Kryeministri grek: Masa ndaj rrjeteve sociale, por jo bllokime të rrepta
23 Dhjetor, 16:35 -
Bie numri i shqiptarëve me leje qëndrimi në Greqi
23 Dhjetor, 16:14
-
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
Pas masakrës së Magdeburgut/ Blindohet Greqia, masa të shtuara të sigurisë për 15 ditët e ardhshme
23 Dhjetor, 08:23 -
E reja italiane goditet 30 herë me thikë nga ish-i dashuri në vendin e saj të punës
22 Dhjetor, 17:53 -
Shpërndanin drogë në Greqi, 4 të arrestuar, mes tyre dy shqiptarë
22 Dhjetor, 11:14 -
Itali/ Do trafikonin 2 kg kokainë, arrestohen shqiptari dhe italiani! U sekuestrohen edhe hashash e valutë
21 Dhjetor, 21:42 -
Itali/ Trafik kokaine nëpërmjet ‘WatsApp’, kapet në ndjekje 23-vjeçari shqiptar! I sekuestrohen armë dhe euro cash
21 Dhjetor, 19:39 -
Greqi/ Tërmeti shkund Patran, forca 4,7 ballë! Nuk raportohet për të lënduar, por ka shkëputje masive gurësh! Frikë për paslëkundje, panik te banorët
21 Dhjetor, 18:33
