POP 5

Lajmet më të lexuara të 5 minutave të fundit

Kronikë

Greqia 25 vite burg secilit shqiptar
të 'bandës së kallashnikovit'

Aleksandër Pepa, Ermir  Meta, Ervis Meta, Enea Pano, Sokrat Meniko, (në foto) që u arrestuan në tetor 2011 së bashku me një shtetas grek, u bënë të njohur si “Banda e grabitësve me kallashnikov” dhe ishin kthyer në tmerrin e banorëve të Atikës.
ATHINE - Gjykata e shkallës së parë të Athinës ka shpallur dënime të rënda për 5 shtetas shqiptarë të arrestuar në tetor të vitit 2011 në Greqi, me akuzën për krijimin e organizatës kriminale, grabitjes, përdhunimit, dhe armëmbajtjes pa leje. Pasi janë mbajtur për gati një vit në burg, gjykata ka shpallur vendimin për 5 shqiptarët.

Gjykata ka dënuar me nga 25 vjet burg, secilin nga 5 nga të arrestuarit shqiptarë, që është dënimi maksimal që mund të jepet nga gjykatat greke për këto akuza. I gjashti u shpall i pafajshëm dhe një tjetër person është ende në kërkim.

Aleksandër Dhimitër Pepa, lindur në 1990, Ermir Bilbil Meta lindur në vitin 1991, Ervis Bilbil Meta lindur në vitin 1996, Enea Andon Pano lindur në vitin 1987, Sokrat Jorgji Meniko lindur në vitin 1989, (në foto) që u arrestuan në tetor 2011 së bashku me një shtetas grek, u bënë të njohur si “Banda e grabitësve me Kallashnikov” dhe ishin kthyer në tmerrin e banorëve të Atikës (Glifadhë, Iliupoli, Alimo, Argjiroupuli, Koropi, Paleo Faliro, etj).

Policia ka vërtetuar 45 grabitje të armatosura që këta adoleshentë kishin kryer si edhe 14 automjete që ata i kanë vjedhur e përdorur për largimin e tyre. Ndërkohë mendohet se disa nga automjetet e vjedhura janë çmontuar për t'u shitur si pjesë këmbimi në ofiçina të ndryshme të Athinës.

Vetëm gjatë një grabitjeje të armatosur në një argjendari ata kanë grabitur flori me verë 80.000 euro. Gjatë kontrollit në banesat e të arrestuarve u gjetën 3 armë automatike tip Kallashnikov, karikatorë me fishekë, plumba, predha, një pistoletë, 3 nga makinat e vjedhura, çelësa makinash, sasi të vogla hashashi, shkopinj gome, thika, telefona celularë etj. Sipas policisë ekzistojnë raste, kur ata pasi kanë grabitur, kanë abuzuar seksualisht me femrat që gjendeshin në shtëpi.

Ndërkohë mbrojtja është rezervuar për të drejtën e apelimit ndaj këtij vendimi, i cili është maksimal, për prova, të cilat janë të dyshimta.

shqiptare greqi

shqiptaret greqi
(Shqiptarët e dënuar sot në Athinë)

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Pamjet mbresëlënëse, Parku i Drilonit nën petkun e dëborës

Pamjet mbresëlënëse, Parku i Drilonit nën petkun e dëborës

13 Janar, 10:31