Greqia lehtëson kufizimet anti-COVID,  heq kërkesën për karantinë për udhëtarët nga BE

Duke nisur nga dita e sotme, Greqia hoqi kërkesën e saj për karantinë shtatë ditore për udhëtarët nga Bashkimi Evropian me kusht që ata të jenë vaksinuar ose testuar negativisht paraprakisht për COVID-19 gjatë 72 orëve të mëparshme.

Masa vlen  edhe për udhëtarët nga Australia, Izraeli, Zelanda e Re, Ruanda, Serbia, Singapori, Koreja e Jugut, Tajlanda, Emiratet e Bashkuara Arabe, MB dhe SHBA, tha  Autoriteti Grek i Aviacionit Civil (YPA).

Turistët do të duhet të paraqesin një certifikatë në anglisht, duke vërtetuar se ata janë imunizuar plotësisht me dozën e dytë të paktën 14 ditë para datës së udhëtimit.

Masa do të jetë në fuqi deri më 26 prill, thuhet në rekomandimin e autoritetet civil. dhe të gjithë udhëtarëve të tjerë ndërkombëtarë do t'u kërkohet të tregojnë një test negativ pas mbërritjes dhe të vetë-izolohen për shtatë ditë.

Autoritetet do të vazhdojnë të kryejnë kontrolle në vendet ku ndodhen personat të cilët kanë rezultuar pozitiv.

Qeveria kishte njoftuar muajin e kaluar se kishte në plan të rihapte kufijtë e saj për turistët e huaj të cilët ose ishin vaksinuar, kishin kaluar sëmundjen ose ishin testuar negativisht në maj.

Ajo theksoi në atë kohë që udhëtarët do t'i nënshtroheshin të njëjtave rregulla COVID-19 si banorët, duke përfshirë përdorimin e detyrueshëm të maskave në publik, megjithëse shpresonte që situata epidemiologjike do të ishte përmirësuar mjaftueshëm për lehtësimin e kufizimeve.

Vendi aktualisht po përjeton një kulm të ri të pandemisë, me dhjetëra vdekje dhe më shumë se 1,500 raste të reja çdo ditë.

Që nga fillimi i krizës globale të shëndetit, vendi ka shprehur keqardhje për vdekjen e rreth 9,500 njerëzve dhe ka regjistruar mbi 315,000 infeksione.

 

S.M./Shqiptarja.com
  • Sondazhi i ditës:

    Përmirësimi i situatës nga COVID-19, a mendoni se duhet të lehtësohen masat kufizuese?

Komento


×

Lajmi i fundit

John

FOTO/ U kapën në flagrancë me mbi 1 kg kokainë, kush është bashkëpunëtori i policit të RENEA-s! U arrestua disa muaj pasi doli kishte dalë nga burgu