POP 5

Lajmet më të lexuara të 5 minutave të fundit

Arkiva

Greqia miraton marrëveshjen e re 
Tsipras: Nuk zgjodhëm vetëvrasjen

Pas bisedimeve maratonë që zgjatën deri sot në mëngjes, parlamenti grek vendosi të miratojë marrëveshjen e tretë me kreditorët ndërkombëtarë. Marrëveshja përfshin rritje taksash dhe shkurtime të shpenzimeve në këmbim të një borxhi prej 85 miliard euro. Votimi tregoi se kryeministri Aleksis Tsipras arriti t'i mbijetojë rebelimit brenda partisë së tij SYRIZA.
Pas bisedimeve maratonë që zgjatën deri sot në mëngjes, parlamenti grek vendosi të miratojë marrëveshjen e tretë me kreditorët ndërkombëtarë. Marrëveshja përfshin rritje taksash dhe shkurtime të shpenzimeve në këmbim të një borxhi prej 85 miliard euro. Votimi tregoi se kryeministri Aleksis Tsipras arriti t'i mbijetojë rebelimit brenda partisë së tij SYRIZA.
 
Marrëveshja morri 222 vota pro, 64 kundër dhe 11 abstenime, por pati 31 kundër dhe 11 abstenime mes anëtarëve të vetë Sirizas, çka përbën numrin më të madh të deputetëve brenda partisë që i kundërvihen qeverisë. Përpara votimit kryeministri Aleksis Tsipras i kërkoi deputetëve të miratojnë planin e tretë të shpëtimit për të garantuar mbijetesën e vendit.
 
“Nuk pendohem për marrëveshjen, edhe pse nuk mund të konsiderohet një triumf”-tha Tsipras gjatë fjalimit në parlament. Kryeministri grek shpjegoi se plani i tretë i shpëtimit është një zgjedhje e detyruar e qeverisë pasi kishte ezauruar të gjitha mundësitë e tjera për të negociuar. “Kemi marrë përsipër përpara popullit grek zgjedhjen e të luftuarit për mbijetesë në vend të vetëvrasjes”-shtoi Tsipras.
 
Votimi i paketës u parapri nga orë të tëra debate të ashpra në parlament. Sipas raportimeve në media, Tsipras do të kërkojë javën e ardhshme votëbesimin në parlament.
 
Ndërkaq marrëveshja e miratuar do të diskutohet sot pasdite nga ministrat e financave të eurozonës. Greqia përballet me afatin urgjent të 20 gushtit, kur duhet ti paguajë rreth 3,2 miliardë euro Bankës Qendrore Europiane. Nëse deputetët nuk do të binin dakord, BQE do të kishte ndaluar dhënien e fondit të emergjencës për bankat greke.
 
Redaksia Online
(a.h/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13