Greqia rrit pagën minimale për herë të dytë brenda vitit, shkon në nivelet përpara krizës!

Greqia rrit pagën minimale për herë të dytë brenda vitit, shkon në nivelet përpara krizës!

Athinë, Greqi

Greqia do të rikthejë pagën minimale të 10 viteve më parë, përpara se paga të ulej për shkak të krizës ekonomike, duke e çuar në 751 euro.

Kjo rritje vjen si pjesë e një pakete ndihme për qytetarët që jetojnë në Greqi, e që po përballen me rritjen e çmimeve kryesisht të energjisë elektrike që u shkaktua prej luftës në Ukrainë.

Këtë paketë “bujare”, e cila do të hyjë në fuqi më 10 shtator, e prezantoi kryeministri grek Kyriakos Mitsotakis, të martën.

Disa prej masave do të jenë të karakterit emergjent dhe të përkohshme, sa për të përballuar krizën muajt e ardhshëm, ndërsa të tjera, siç është rritja e pagës minimale, do të jetë e qëndrueshme.

Kështu, paga minimale në Greqi do të jetë 751 euro, nga 713 që ishte, duke shënuar kështu herën e dytë që Greqia rrit pagën minimale brenda vitit. Kujtojmë se më 1 maj të këtij viti, qeveria greke rriti pagën minimale nga 650 euro në 713.

Kujtojmë se Greqia doli zyrtarisht këtë muaj prej krizës së borxheve ndaj BE-së, që nisi në vitin 2010. Komisioni Evropian më 10 gusht bëri me dije se Greqia ka përmbushur pjesën më të madhe të angazhimeve financiare.

Greqia po e rimerr veten pas edhe një sezoni tejet të suksesshëm turistik ku raportohet se të ardhurat janë parashikuar rreth 20 miliardë euro. Duket se këto përfitime Greqia po i kanalizon në shërbim të qytetarëve, duke shtuar paketat e ndihmës.

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lala: 16/08/2022 18:42

    Ne Mo's na I ngreni rrogat.na del per buk me Uj e sheqer te 3 vaktet

    Përgjigju
  • Sondazhi i ditës:

    Arrestimi i mjekut, a po bëhet sa duhet për të luftuar korrupsionin në sistemin shëndetësor?



×

Lajmi i fundit

Zgjedhjet e përgjithshme, mbyllen qendrat e votimit në Itali! Ja kur mësohen rezultat e para

Zgjedhjet e përgjithshme, mbyllen qendrat e votimit në Itali! Ja kur mësohen rezultat e para