Greta Koçi, nënkryetarja e FRPD mbledhje në kafene

Pasi u zyrtarizua nga vetë shefi i PD-së, në rolen e nënkryetares së Forumit Rinor të Partisë Demokratike, këngëtarja Greta Koçi është përfshirë prej kohësh në aktivitetet intensive që lidhen kryesisht me forumet e kësaj partie nga qendra në bazë. Sigurisht, këto termat nga qendra në bazë Greta as që ia imagjinuar më parë, por tani duket se ja ka marrë dorën, duke mbledhur në mitingje aq fansa përzier me militantë, sa padyshim mund të konsiderohet si një nënkryetare e suksesshme. Por sigurisht mbledhjet e FRPD-së shpesh janë të gjata, takimet dhe pritjet me të rinjtë po ashtu, prandaj edhe Greta Koçi si nënkryetare duket se është afruar sa më shumë dëshirave të tyre. Në këtë mënyrë pas mbledhjeve të gjata ata zhvendosen në një lokal aty pranë selisë së PD-së, ku jo vetëm mund të diskutojnë lirshëm për problemet dhe projektet e partisë, por edhe mund të drektojnë të qetë mes moshatarësh, pa detyra partie dhe tesera në duar.