TIRANE - Dhjetëra qytetarë nga Durrësi, Shkodra e Elbasani u solidarizuan me ish të burgosurit politik të cilët ndodhen në ditën e 12-të të grevës së urisë. Ata deklarojnë se janë të vendosur t'i shkojnë deri në fund sakrificës dhe të enjten është parashikuar zhvillimi i një proteste para godinës së parlamentit.

Gjendja e tyre shëndetësore dukshëm ka nisur të përkeqësohet ndërsa një pjesë e grevistëve kanë përfunduar në qendrën spitalore universitare.

Kreu shoqatës së ish të burgosurve politik Skënder Tufa gjeti rastin t’i bëjë thirrje çdo qytetari pa dallime partiake ti bashkohet protestës së të enjtes në ora 10:00 përpara selisë së parlamentit.