Greva e pedagogëve/ Dekani i Filologjikut thërret asamblenë e jashtëzakonshme

Ndërkohë që mësimi vijon normalisht në fakultetet e tjera, në fakultetin e Shkencave Sociale dhe ate të Histori-Filologjisë vazhdon ende bojkoti. Te fakulteti i Shkencave Sociale, studentët presin vendimin e pedagogëve që do të mblidhen sërish nesër në asamble për të vendosur përfundimisht nëse do të futen në grevë, apo do të vijojnë bojkotin (lexo këtu).

Ndërkohë që edhe fakulteti i Histori-Filologjisë nuk ka marrë ende një vendim lidhur me vijimin e grevës së pedagogëve. Për këtë shkak Dekani Sabri Laci ka bërë thirrje për mbledhjen e seancës së jashtëzakonshme të asamblesë së FHF-së, drejtuar personelit akademik të këtij fakulteti.             

Në shkresën zyrtare të nënshkruar prej tij shkuhet:

"Mbështetur në nenin 41, pika 3, të Ligjit nr. 80/2015 “Për arsimin e lartë dhe Kërkimin Shkencor në Institucionet e Arsimit të Lartë në Republikën e Shqipërisë”, si dhe në Nenin 45, pika 3, të Statutit të UT-së vendosa:

Thirrjen e seancës së jashtëzakonshme të Asanmblesë së FHF-së, me rend dite: situata në FHF dhe propozimi i zgjidhjeve.

Kërkohet prania e gjithë personelit akademik"

Thirrja e seancës së jashtëzakonshme të Asanmblesë së FHF-së

TAG:
• fakulteti histori-filologjise
• protesta e studentëve