POP 5

Lajmet më të lexuara të 5 minutave të fundit

Shëndeti

Grip e viroza, fluks në Pediatrinë e Tiranës, 370 fëmijë në ditë paraqiten në urgjencë! Prindërit: Presim dy orë në radhë

Ditët e para të vitit kanë shtuar numrin e fëmijëve që paraqiten në Urgjencën e Pediatrisë. Rreth 370 fëmijë kërkojnë çdo ditë ndihmë mjekësore për shkak të komplikacioneve në rrugët e frymëmarrjes dhe temperaturës së lartë. Për pasojë, prindërit janë të detyruar të qëndrojnë në radhë për një kohë të gjatë.

Infeksionet respiratore të shkaktuara nga virozat dhe gripi kanë sjellë një fluks të shtuar në urgjencën e pediatrisë në Tiranë. Vetëm ditën e martë, 370 fëmijë me komplikacione e temperaturë të lartë kërkuan ndihmë nga bluzat e bardha.

Në shumë raste prindërit janë të detyruar të presin më shumë se një orë në radhë, me fëmijët që dergjen nga temperatura.

“Gjendje gripale. Dy ditë”, tha një prind.

“Po presim në radhë, shumë radhë, 20 veta para”, tregoi një tjetër.

Dhimbje koke, trupi, temperaturë apo diarre janë simptomat më të shpeshta që mjekët hasin tek pacientët e vegjël.

“Ka dhimbje  të forta në bark, dhimbje koke, diarre.

“Rreth tre ditë. Mendoja se do bëhej më mirë. Nuk ka ardhur radha akoma sepse ka fluks”, përfundoi një tjetër.

Sipas mjekëve, në qarkullim janë disa viroza, të cilave u është mbivendosur edhe gripi. Nga ana tjetër dyshimet janë edhe për qarkullimin e nënvarianteve të Covid. Në këto kushte ata bëjnë thirrje për shmangien e grumbullimeve dhe konsumimin e sa më shumë lëngjeve.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

26 Prill, 22:49