TIRANE- Konsiderohet si ‘gruaja e hekurt’ e SPAK-ut për shkak të dosjeve që ka çuar në gjykatë, hetimit për herë të parë të Emiljano Shullazit dhe të pasurisë modeste, vetëm pagën si prokurore. Ajo është prokurorja pranë Prokurorisë së Krimeve të Rënda, Doloreza Musabelliu, kandidate për Prokurorinë e Posaçme. Musabelliu do të dalë në datën 2 dhjetor 2019 para Komisionit të Pavarur të Kualifikimit, për t’u njohur me rezultatet e verifikimi ndaj saj për ligjshmërinë e pasurive, pastërtinë e figurës dhe aftësitë profesionale. Trupa gjykuese që po shqyrton dosjen e znj. Musabelliu, përbëhet nga Alma Faskaj, Pamela Qirko dhe Firdes Shuli. Prokurorja është përzgjedhur me anë të shortit që në datën 11 shtator 2018 për t’ju nënshtruar Vetingut. Musabelliu është kualifikuar si kandidate për t’u emëruar në SPAK, strukturën që do të hetojë krimin dhe korrupsionin në të gjitha nivelet, por Këshilli i Lartë i Prokurorisë nuk mund të finalizojë emërimin e saj, për shkak se nuk ishte përballur me Vetingun. Nëse Komisioni i Vetingut do të konfirmojë në detyrë dhe Komisioneri Publik nuk vendos për ta ankimuar vendimin në Kolegjin e Posaçëm të Apelimit, Musabelliu mund të emërohet në Prokurorinë e Posaçme brenda muajit dhjetor, duke e çuar numrin e prokurorëve të SPAK në nëntë.
Report Tv ka siguruar deklaratat e plota të pasurisë së kandidates për SPKU-n, nga viti 2004, kur ka deklaruar për herë të parë pasurinë. Doloreza Musabelliu nuk deklaron asnjë pasuri të paluajtshme në emrin e saj, nuk deklaron asnjë dhuratë nga prindërit apo vëllai, nuk deklaron hua, as makina dhe as llogari të fryra bankare. Për 9 vite me radhë, nga viti 2004 deri në vitin 2013, prokuroja Doloreza Musabelliu deklaron vetëm pagën e saj si prokurore dhe kursime nga kjo pagë rreth 300 000 lekë në vit. Në vitin 2014, përpos pagës së saj, deklaron edhe pagën e bashkëjetuesit, Genci Duraj si noter në vlerën 1 088 680 lekë. Gjatë këtij viti, bashkëjetuesi Duraj deklaron një apartament me vlerë 73 400 euro, si burim një hua me kontratë si dhe një makinë 10 mijë euro. Në vijim, Doloreza Musabelliu dhe bashkëjetuesi i saj deklarojnë vetëm të ardhurat, ajo si prokurore dhe ai si noter.
Doloreza Musabelliu është prokurorja e parë që ka hetuar Emiljano Shullazin në vitin 2007. Në atë kohë, prokurorja Musabelliu kërkoi 18 vite burg për Shullazin. Musabelliu ka hetuar edhe çështjen e avionit të pilotuar nga Guido Guidi, i cili u rrëzua në grykëderdhjen e lumit Ishëm, por që prokuroria nuk vërtetoi nëse me të do të kryhej trafik droge, pavarësisht pretendimeve dhe dyshimeve. Dy vjet më parë, prokurorja Doloreza Musabelliu ka urdhëruar sekuestrimin e pasurive të dyshimta të biznesmenit të hidrosanitareve Nikolin Janina, pronar i kompanisë “Iberia invest” dhe “Alba ceramican” sh.p.k, apo e njohur si “Porcelanosa”. Janinës iu bllokuan
4 milionë euro, pasi Spanja lëshoi një urdhër arresti ndërkombëtar për të si ti përfshirë në trafik droge. Në pronat e bllokuara janë 4 banesa e 2 garazhe në Tiranë, 1 banese në Vlorë, tokë në Drimadh, Porto Palermo, Llaman e Himarë.
Gjithashtu Doloreza Musabelliu ka hedhur për korrupsion ish-gjyqtarin Ibrahim Hoxha, ndërsa ka në dorë dosjen Toyota Aurus me miliona euro të sekuestruara në Durrës. Prokurorja ka qenë e përzgjedhur nga autoritetet franceze për hetimet dypalëshe, kryesisht në fushën e trafikut. Deri në vitin 2017, Doloreza Musabelliu ka qenë drejtuese e njësisë së Anti-Korrupsionit pranë Prokurorisë së Krimeve të Rënda. Në vitin 2017, ish-kreun i Prokurorisë së Krimeve të Rënda, Besim Hajdarmataj e shkarkoi, duke e kaluar prokurore të thjeshtë në këtë prokurori. Më pas edhe vetë Besim Hajdarmataj u shkarkua nga detyra si kreu i Prokurorisë për Krimet e Rënda.
( Kliko këtu ) Deklarata e pasurisë e Doloreza Musabelliut e vitit 2012
( Kliko këtu ) Deklarata e pasurisë e Doloreza Musabelliut e vitit 2015
VIDEO/Deklarimi i Doloreza Musabelliut para KLP
Komente
Lajme të tjera
-
Nesër 5-vjetori i SPAK/ Zv.ndihmës sekretar i SHBA për Ballkanin Perëndimor, Kasanof vjen në Tiranë
18 Dhjetor, 19:39 -
Në kërkim për 'Masakrën e Bradasheshit’ më 2018 me 3 të vrarë, GJKKO pezullon me 1 vit gjyqin ndaj Mikael Qosjas! Dyshohet se fshihet në Spanjë
18 Dhjetor, 13:58
-
Policia e Durrësit ekzekuton vendimin për konfiskimin e 4 pasurive të 'Zotit të drogës' Alket Hatija! Dy apartamente, një truall e një garazh, Italia e dënoi me 20 vjet burg për drogë
18 Dhjetor, 12:08 -
‘Toyota Yaris’/ SPAK i komunikon akuzat ish-kryeprokurorit dhe 3 të tjerëve! Pritet që dosja t’i dërgohet GJKKO, korrupsion dhe ndikim i paligjshëm
18 Dhjetor, 11:40 -
Ironia e Spahiut: Trump do i heq dekoratën Dumanit dhe Dvoranit, për t’ja dhënë të dyja Berishës
17 Dhjetor, 19:43 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
Kreu i SPAK dhe Kryeprokurori Special i Malit të Zi nënshkruajnë Memorandum Bashkëpunimi
17 Dhjetor, 18:36 -
'Non-grata e Berishës e pakthyeshme', Ngjela: Shpresa te Trump, e kotë! Kërkon të mbaj përkrahësit e tij! Kur erdhi në '92 shkatërroi vendin me urdhër të Beogradit
17 Dhjetor, 17:31 -
Këshilli i BE-së miraton konkluzionet për Shqipërinë: SPAK po godet korrupsionin! Zbatoni vendimet e Kushtetueses dhe rekomandimet e OSBE/ODIHR e 'Venecias'
17 Dhjetor, 14:27
-
SHËNIM/ Berisha 3 strategjitë dhe sidomos ajo e ''Sindromës së Stokholmit'' në përpjekje për të ndikuar në drejtësi
17 Dhjetor, 13:21
-
Eduard Zaloshnja: Nëse SPAK-u do të ishte një parti politike, do të ishte absolutisht e para
17 Dhjetor, 12:36
-
‘Plumbi i Artë’/ GJKKO dëgjon dëshminë e Nuredin Dumanit e dy të penduarve të tjerë me dyer të mbyllura! Avokatët ikin nga salla: Të jetë edhe media
17 Dhjetor, 09:36
Prokurorja me e paster ne Shqiperi ????????????????
PërgjigjuKrenare per ty Doloreza! Drejtesia Shqiptare ka nevoje per nje grua si ty!! Shume suksese
PërgjigjuDo jete e vetmja ne gjith ket llum qe eshte e paster?!
PërgjigjuBravo Doloreza
PërgjigjuPo pra. Si kjo ska tjeter. Burrin noter thate?! Ndaj i beni reklame se e ka biografine e paster apo thjesht nje ndikim miqesor i (pa)ligjshem.
PërgjigjuNese jane te verteta keto atehere ky vend ka ende shpresa.
PërgjigjuNe 3 milion shqiptare do e kemi 1 te paster.
Me cfare po degjojme eshte interesante dhe e besueshme, por le ti shohim punen se wdhe Ina Ramen kur e bene prokurore te pergjithshme thane Sivia Conti. Se cfare kish bere per te qene e tille nje zot e din. Dhe ne fund e quajten me epitetin me banal. Le te shohim qeta besojme.
PërgjigjuSuksese prokurore Doloreza! E meritoni plotesisht te jeni pjese e SPAK-ut.
PërgjigjuBravo me behet zemra mal kur lexoj te tilla lajme per Shqiperine time kaq te bukur. Aty vetem ligji mungon, po te mbizoteroj ligji per te gjithe njelloj te gjithe kemi per tu kthyer ne atdhe. Bravo Zonja suksese nga zemra.
PërgjigjuPo mire ati Porcelanoses ja sekuestruanpronat por pera nje jave KKRT e drejtuar nga KM i dha leje zhvillimore per kompleks turistik ne Sarande. Ketej eshte marre me trafik nga ana tjeter i japin leje te pastrohe parate droges, ja ku e ka shembullin klasik qe ndryshe flet ndryshe veprin demagogu i Surrelit
PërgjigjuShpresojme mos te jete e vetme nje si kjo.. Pergezime nese jane te verteta dhe tek njerez si Ju e kemi varur shpresat qe vendi yne te behet sa me shpejt. Vend i bekuar nga natyra, por i mallkuar me shqiptare.. Sa e trishte..!!!
PërgjigjuNje nga figurat me te pastra dhe te denja per te qene pjese e Spak. Suksese!
PërgjigjuTe lumtë zonjë!!!!!!!!!!
PërgjigjuBravo. Te tille njerez jane per tu adhuruar dhe per te tille vendi yne ka shume nevoje. Respekte!
PërgjigjuUrimet me te mira dhe qoft perher keshtu te mburremi dhe ne me nje grua te hekurt si THacer apo Merkel dridhuni minj se ju erdhi dita
PërgjigjuNjeri i paster , shume e afte nga ana profesionale dhe shume modeste. Ky eshte rasti te themi me plot gojen qe jo te gjithe jane njelloj. I urojme shume suksese Dolorezes dhe po te zgjidhen te gjithe si kjo mendoj se ka drite ne fund te tunelit dhe per vendin tone .
PërgjigjuZonja eshte e nderuar. Parimore si kale karroce I themi ne me gjithe resekton. Urojme te dale e plaster sic e njohim te till.
PërgjigjuVetem shendet dhe mbarsi i urojm keti njeriu,po tishin gjith si kjo, ky vend sot do kishte prit refugjat nga europa dhe nuk do zhbrazej sic esht zbraz
PërgjigjuO zot paska dhe njeri te tille ne drejtesine Shqiptare Lum kush e padka patur fat kete zonje Edhe prona dhe jeta qenka fat se kush ta heton dhe gjykon Une padkam qene pa fat Zoti ma sjell fatin te ma trajtoje ceshtjen kjo zonje te marr te drejten te shoh hajdutet te ndeshkuar dhe le te iki nga kjo jete Nuk dua te perdor djersen e vjedhur me nga maskarenjte
Një nga rastet e rralla kur opinionet janë kaq pozitive! Uroj të jet pjesë e organeve të reja në drejtësi!