Sali Berisha nuk bën hapa pas, për synimin e tij për të marrë kreun Partisë Demokratike. Komisioni i Rithemelimit në një deklaratë zyrtare pas mbledhjes së Grupit Parlamentar të PD-së, të cilët i kërkuan atij dhe Lulzim Bashës që tërhiqen, në mënyrë që demokratët të bashkohen, thotë se përgjigjen e kanë marrë me datën 6 mars. Për Komisionin e Rithemelimit nuk ka asnjë dilemë, mes Berishës apo Bashës, pasi 70% e demokratëve me gjithë logon e rrëmbyer votuan për Sali Berishën dhe Shtëpinë e Lirisë.  E vetmja zgjidhje sipas Komisionit të Rithemelimit, është bashkimi përmes rikthimit tek vota e lirë. 'Çdo demokrate dhe demokrat duhet të kuptojë se përjashtimet dhe mungesa e votës se lirë janë vdekja e një forcë politike.'- shton Komisioni i Rithemelimit.

Deklarata e Komisionit të Rithemelimit

'Kaq dite pas katastrofes elektorale ku e katandisi Partine Demokratike, ish kryetari Lulzim Brava mendon se mund të marrë zvarrë edhe deputetet e Grupit Parlamentar te kesaj partie. Pasi i eshte pervjedhur gjithe jeten e tij politike pergjegjesise per serialin e humbjeve, edhe kesaj here kerkon t’i shpetoje asaj duke e vene veten tashme i damkosur si humbes serial dhe peng mjeran në një hap me Sali Berishën.

Grupi parlamentar dhe demokratet nuk jane sot para dilemes: Berisha apo Basha. Për Sali Berishën dhe kanditatet e SHL votuan në 6 Mars me gjithe logon e rrembyer 70 për qind e demokratëve, ndersa PD e vules, braves pengut dhe bunkerit u rendit e treta per here te pare ne 30 vjet qe nga dita e themelimit te saj. PD e vules dhe logos se rrembyer u katandis ne kete dite sepse Lulzim Brava, peng i aferave dhe pazareve, injoroi dhe mohoi vullnetin e demokrateve dhe voten e tyre te lire brenda PD-se.  Pergjigjen ata e moren ne 6 Mars!  Zgjidhja e vetme eshte bashkimi permes rikthimit tek vota e lire! Anetaret, drejtuesit, deputetet e PD e kane vendin e tyre te pamohueshem ne Partine Demokratike te votes se lire. Kush ka frike voten e lire te demokrateve nuk ka moral te kerkoje voten e shqiptareve!

Çdo demokrate dhe demokrat duhet te kuptoje se perjashtimet dhe mungesa e votes se lire jane vdekja e nje force politike! Ringritja dhe fitorja kalojne jo duke u bere vegel apo kukull e ndokujt, por vetem permes bashkimit i cili realizohet vetem me nje kusht: Vota e lire!'