POP 5

Lajmet më të lexuara të 5 minutave të fundit

Sociale

Guackat dhe aluvionet ‘pushtojnë’ bregdetin e Divjakës, Eksploruesi Hila: Fenomen i rrallë, ndodh 1 herë në 10 vite

Ndodh një herë në 10 vite, por bregdeti i Divjakës është pushtuar ditët e fundit nga miliona gjallesa, mes tyre guacka dhe aluvione. Për eksploruesin Altin Hila, prania e këtyre gjallesave është një fenomen i rrallë natyror që vlen dhe për studiuesit.

Një fenomen i tillë mund të ndodhë një herë në më shumë se 10 vite. Në një reliev prej 8 km gjatësi vijë bregdetare, ditët e fundit plazhi i Divjakës është pushtuar nga miliona gjallesa të ndryshme, mes tyre guacka krustacesh dhe aluvione

Eksplorues dhe vëzhgues prej vitesh i bregdetit të Divjakës, Altin Hila e shpjegon si një fenomen të rrallë, pasi në ditët normale numri i prurjeve të detit arrin vetëm në 500-600 të tilla.

“Nga eksperienca ime guackat i kam gjetur në një territor të kufizuar rreth 100 apo 200 m, ndërsa në këtë rast i gjithë bregdeti i Divjakës që nga qendra deri në grykëlidhjen e Lagunës së madhe me detin vëren praninë e guackave në një rendiment të jashtëzakonshëm. Për mua është një kuriozitet i jashtëzakonshëm”, u shpreh Hila.

Për Hilën tërheqja e detit vit pas viti si dhe ndryshimet natyrore të klimës janë një mundësi për shpjegimin e asaj çfarë ka ndodhur.

“Është fenomen i çuditshëm pasi moti këto ditë nuk ka qenë me fenomene klimatike, si stuira të fuqishme, as me dalje lumenjsh që ndikojnë në daljen e guackave ose produkteve të deti dhe deti këtë herë pa 10 vitesh ka bërë këtë”, tha eksploruesi

Numri i madh dhe dhe përmasat tej normales të guackave dhe krustaceve kanë tërhequr vëmendjen e biologëve dhe studiuesve të ndryshëm të cilët po grumbullojnë materiale studimore për këtë fenomen jo të zakonshëm

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Aldo: 15/02/2022 17:02

    Ky usta Hila nuk eshte ekspert kshtuqe per ca merret per baze ajo qe ky thote!! Fenomen i cuditshem?? O idjot, nqs do hulumtosh pak rreth ktyre fenomeneve ne brigjet e Italise apo Kroacise do kuptosh qe kane sistem mbrojtje te bregdetit, infrastrukture mbiujore qe NE SE KEMI. Jane barriera gurore ne distance qr mbrojne bregun nga erosioni, nga baticat/sbaticat dhe nga akumulimi i mbeturinave ujore. Perpara se te flasesh informohu tpakten qe mos te lesh nam duke na folur per fenomene te cuditshme

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Dronë misteriozë shihen mbi tri baza amerikane në Britani

Dronë misteriozë shihen mbi tri baza amerikane në Britani

24 Nëntor, 07:41