Udhëheqësi i opozitës venezueljane Juan Guaido është takuar këtë të mërkurë në Shtëpinë e Bardhë me Presidentin amerikan Donald Trump. Takimi vjen në një kohë kur Guaido po përpiqet të rindezë fushatën e tij me qëllim largimin nga pushteti të Presidentit Nicolas Maduro.
Në një deklaratë të Shtëpisë së Bardhë ku njoftohej vizita e zotit Guaido thuhej se “do të vazhdojmë të punojmë me partnerët tanë në rajon për t’u përballur me diktaturën në Venezuelë dhe do të qëndrojmë krah popullit të këtij vendi për të garantuar një të ardhme demokratike e të begatë”.
Vizita e zotit Guaido në Uashington është e fundit e një turneu botëror, që përfshinte takime me udhëheqës evropianë e kanadezë, si pjesë e përpjekjeve për të ringjallur fushatën e tij pas një revolte të pasuksesshme kundër zotit Maduro vitin e kaluar.
Shtetet e Bashkuara dhe dhjetëra vende të tjera njohin zotin Guaido si President të përkohshëm e legjitim të Venezuelës. Muajin e kaluar zoti Maduro ka bërë thirrje për bisedime të drejtpërdrejta me SHBA-në dhe tha se palët mund të fitojnë në mënyrë të barabartë prej tyre. Zoti Maduro tha gjithashtu se kompanitë amerikane të naftës mund të përfitojnë financiarisht nëse Uashingtoni heq sanksionet ndaj Venezuelës, përfshirë kompaninë shtetërore të naftës, anëtare e OPEC-ut, “PDVSA”.
Ndërkohë të premten ministri i Jashtëm rus Sergej Lavrov pritet të takohet në Karakas me zotin Maduro në një shfaqje publike të mbështetjes për udhëheqësin socialist. Rusia i ka kritikuar sanksionet amerikane duke i cilësuar si të paligjshme e të dëmshme.
Opozita e udhëhequr nga zoti Guaido i ka kërkuar Uashingtonit të rrisë presionin ndaj Moskës për mbështetjen që i jep Venezuelës në aspektin diplomatik, ekonomik dhe ushtarak. Zoti Maduro fitoi një mandat të dytë në maj 2018-s ndërsa tetë muaj më vonë zoti Guaido e shpalli veten president të përkohshëm të Venezuelës./VOA
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22
