POP 5

Lajmet më të lexuara të 5 minutave të fundit

Sport

Gurë e tulla ndaj arbitrave, ndërpritet ndeshja Besa-Bylis

Ndeshja Besa-Bylis e programuar për t’u zhvilluar në kavajë është ndërprerë 15 minuta nga fundi për shkak të sendeve të forta që tifozët vendas hodhën drejt gjyqtarëve. Situata ishte aq e tensionuar sa për të nxjerrë arbitrat nga fusha nuk mjaftoi as ndërhyrja e policisë.

Gurë e tulla ndaj arbitrave, ndërpritet ndeshja Besa-Bylis

Futbolli në Shqipëri duket se është pushtuar nga dhuna. Këtë herë ajo është shfaqur në Kategorinë e Parë, në ndeshjen Besa-Bylisi, ku për shkak të sendeve të forta të hedhura ndaj gjyqtarëve takimi është ndërprerë. Kanë qenë tifozët vendas ata që në minutën e 75 nuk e kanë përtyur kartonin e kuq të mbrojtësit Danaj dhe përveçse kanë nisur të sharat në kor, kanë hedhur në drejtim të gjyqtarëve sende të forta si gurë, tulla dhe shishe uji.

I pari që e ka pësuar ishte gjyqtari virojtës Denis rexha, ndërsa i menjëhershëm ka qenë reagimi i kryesorit Klajdi Kola që mori vendimin për ndërprerjen e ndeshjes. Edhe dalja nga fsuah ka qenë një problem me vete, pasi në momentin që gjyqtarët janë afruar kanë vërshuar drejt tyre një lumë sendesh.

Për të bërë të mundur nxjerrjen e arbitrave nga fusha nuk mjaftoi as ndërhyrje e policisë, por u desh mbrojtja me trup e lojtarëve të Besës, të cilët rrezikuan shëndetin e tyre kundrejt shisheve dhe tullave që hidheshin papushim.

Problem për t’u larguar nga fusha patën edhe lojtarët e Bylisit të cilët priten disa minuta derisa situata u qetësua paksa. Në momentin që u ndërpre ndeshja rezultati i takimit ishte 0-1 për ekipin ballshiot, ndërsa më shumë mundësi sfida do të vendoset në tavolinë. Me gjasa do të ketë edhe penalizim të rëndë për ekipin e Besës nga Komisionet e federatës.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12