Pasi po kalonin sekondat e para të çudisë që transmetonin kanalet televizive, duke parë Presidentin e Republikës së Shqipërisë teksa ulërinte me tërsëllëmë, duke kërcënuar me burg, duke treguar (anti) vlerat si një çun i “fortë” lagje, gati për t`u rrahur me kë t`i dilte përpara, pyeta veten: Çfarë i kanë bërë Presidentit tim?
Çudia dhe hutimi im shtohej kur shihja që ngjarja zhvillohej në katin bosh të një ndërtese çfarëdo në mes të Tiranës, Presidenti im i rrethuar jo nga Garda e Republikës por nga ca burra dhe djem me xhupa, të qethur shkurt, të gjithë që shkumëzonin dhe hipnin e zbrisnin nëpër shkallë duke sharë rëndshëm.
Situata surreale në hamendësimet e mia u përmirësua në çastin kur në mes të turmës së sherrxhinjve u shfaq një burrë ezmer, me jelek dhe kravatë, si një ogur i mirë për pozicionin e Presidentit tim aty. Në edicionet e lajmeve kryesore mësova se ky burri është një politikan, që dikur paska qenë edhe deputet dhe që drejtoka një parti. Emrin ja mësova, e ka Sali Shehu.
Nga emisionet e darkës, dedikuar ekskluzivisht ngjarjes së çuditshme, kuptova që Politikani Sali paska pas një hesap të hapur me Bashkinë e Tiranës, në lidhje me ligjshmërinë e përdorimit të zyrave për partinë e tij në ambientet e ndërtesës, pronë e Bashkisë, dhe për pasojë duhej t`i lironte ato menjëherë.
Në këto kushte, Politikani Sali e pa veten keq! Në vend që t`i drejtohej Gjykatës Administrative për pezullim të Aktit të Bashkisë apo institucioneve të tjera shtetërore për të zgjidhur problemin, ai çuditërisht thirri Presidentin e Republikës. Dhe mua m`u kujtua batuta e famshme “Guri, eja se do na rrahin” në filmin “Mëngjese Lufte”.
Dhe në fakt Guri (Presidenti) nuk ja përtoi dhe për pak minuta mësyu me çunat e tij në korridoret bosh të ndërtesës ku gjendeshin zyrat e Politikanit Sali, duke ju hakërryer dy policëve bashkiakë në prag pensioni që ruanin ndërtesën, “hajdeni po jua mbajti, se në burg e keni vendin!”.
Presidenti im u shndërrua në Gur! Është ky një lajm i mirë apo i keq për shqiptarët? Unë nuk besoj që është lajm i mirë.
Së pari, në qoftë se Presidenti ka vendosur të jetë një Gur, ka pasur shumë herë shansin ta bëjë këtë, në mbrojtje të kauzave shumë më të ndjeshme, me impakt të drejtpërdrejtë në të mirë të popullit që ai drejton, se sa për një zyrë të Politikanit Sali.
Së dyti, çfarë do të ndodhte, në qoftë se të gjithë hallexhinjtë, që janë jo të pakët dhe jo me statusin e Politikanit Sali, do t`i kërkonin Gurit tonë të zbriste në terren dhe të tregonte muskujt e tij, ndërkohë që të gjithë presin që ai të tregojë ligjshmëritë e tij?
Së fundmi, Presidenti i Republikës nuk mund të jetë një Gur duke u rrahur korridoreve te institucioneve.
Komente
Lajme të tjera
-
Namir Lapardhaja: Unë jam Zoti juaj më i lartë!
19 Dhjetor, 09:16
-
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
Nënës së Kryemadhit i kthehet vila te ‘Kodra e Diellit’, Apeli i GJKKO lë në fuqi sekuestron e banesës vetëm për deputeten e PL
17 Dhjetor, 11:29 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Iu sekuestruan vilat, Kryemadhi me bastun në Apelin e GJKKO: Më thanë dil nga shtëpia, do jetoj në çadër
16 Dhjetor, 12:45 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
PL: Arrestimi i Metës do të çohet në Strasburg! U izolua padrejtësisht për të mos thënë të vërtetat
14 Dhjetor, 15:30 -
VIDEO - Monika Kryemadhi në GjKKO, shpërthen ndaj gazetarëve: Na e morët shpirtin! S’na latë rehat me marr frymë
13 Dhjetor, 13:36 -
34-vjetori i themelimit të PD, Meta uron Berishën nga burgu: PD më e bashkuar! 2025 do të jetë viti i një ndryshimi historik
12 Dhjetor, 11:16 -
PD feston 34-vjetorin, Berisha ‘thur lavde’ për dhëndrin, Metën dhe ish-‘miqtë’ e tij të ndjerë Olldashi, Pashko, Hajdari dhe Bogdani
11 Dhjetor, 20:57 -
Mars 2008/ Akuza e rëndë në sallën e kuvendit, Ilir Meta: Ju nuk e dini, por Sali Berisha ka qenë kundër bombardimeve të NATO-s në Kosovë
7 Dhjetor, 11:33
Mendoj qe eshte nje nga veprimet me te bukra te kesaj kohe , jo si keto lepirsit qe flasin mire per keta njerz qe nuk e duan kete vend , po bejne njerzit te largohen se ka humbur shpresa
PërgjigjuNe, Shqiptaret vazhdojme te jemi fatkeqe .Ne qytetaret( jo nga origjina ,por nga sjellja kultura etj) pervec qe dhunohemi ne rruge nga persona qe ne fjalorin e tyre,ne çdo by fjale ,kane i bej (q...) Nenen ,motren ,.Ata vete kane lindur nga guri dhe druri pa nene e moter, Por i bie qe pavetedije i drejtohen motrave e nenave te tyre . Po ti drejtohesh ndonjerit pse nuk ke vene masken ,edhe pse eshte poshte te 30-tave te pergjigjet :pse ne kohe te Enverit jena,ik oj mushu. Pra dhune verbale me mungese argumentash. Keshtu kemi per tu zhdukur si komb . E keshtu e meritojme.
Përgjigju