Gjenerali libian Khalifa Haftar është larguar nga Moska pa nënshkruar marrëveshjen e armëpushimit me Qeverinë e Marrëveshjes Kombëtare e inicuar nga presidenti rus Vladimir Putin dhe homologu i tij turk Rexhep Tajip Erdogan si dhe përpjekjet e bashkesisë ndërkombëtare për paqe në Libi.
Sipas Al Arabiya, Haftar e justifikoi mospranimin e armëpushimit duke deklaruar se dokumenti i propozuar injoron shumë kërkesa nga ushtria kombëtare libiane.
Homologu i tij, Kryeministri i qeverisë së marrëveshjes kombëtare Al Serraj, e kishte nënshkruar marrëveshjen dje në Moskë, ndërsa Haftar kishte marrë kohën për të studiuar dokumentin.
Sipas raporteve nga ‘Sky Neës Arabia’, Haftar kishte kërkuar gjatë takimit në Moskë, të çonte trupat e tij në Tripoli, të kishte pozicionin e komandantit suprem të Forcave të Armatosura Libiane dhe të formonte një qeveri të unitetit kombëtar që do të merrte vota e besimit nga parlamenti i Tobruk.
Gjenerali gjithashtu kishte kërkuar monitorim ndërkombëtar të armëpushimit pa pjesëmarrjen e Turqisë dhe tërheqjen e menjëhershme të mercenarëve "të ardhur nga Siria dhe Turqia"
Haftar ishte i bindur se fitorja ushtarake ishte afër, teksa një nga pikat e marrëveshjes ishte dhe largimi i trupave turke nga zonat e luftës.
Gjërat kishin shkuar keq qysh nga e hëna pasdite kur Kryeministri libian al Serraj, qeveria e të cilit njihet nga OKB dhe nga shumica e bashkësisë ndërkombëtare nuk kishte pranuar të takohej me Haftar.
Atë moment u kuptua se edhe ky raund i negociatave nuk do të ishte vendimtar dhe se përpjekjet diplomatike të Rusisë, Turqisë dhe Italisë edhe mund të dështonin.
Sipas ‘Al Arabiya’, duke përmendur dëshmitarë okularë thotë se në jug të Tripolit kanë rifilluar luftimet mes forcave të Haftar dhe al Serraj.
Italia është rikthyer në ballë të përpjekjeve diplomatike duke mbrojtur jo vetëm interesat e ‘Eni’ në Libi, por edhe duke parandaluar të këqijat si terrorizmi dhe një fluks të ri migracioni në Mesdhe.
Presidenti i Turqisë, Rexhep Erdogan, ka thënë se Turqia do t’ia japë një leksion të mirë gjeneralit libian, Khalifa Haftar, nëse forcat e tij i vazhdojnë sulmet kundër qeverisë së njohur nga faktorët ndërkombëtarë në Libi.
Erdogani e dha këtë deklaratë gjatë një fjalimi në televizionin shtetëror pasi gjenerali Khalifa Haftar u largua nga Moska pa marrëveshje armëpushimi.
Rivalët e konfliktit nuk u takuan sy më sy, por delegacionet e tyre zhvilluan bisedime me dyer të mbyllura me diplomatët dhe ushtarakët e lartë nga Rusia dhe Turqia, të cilat vazhdimisht kanë bërë thirrje për armëpushim.
Duke folur gjatë një takimi me anëtarët e partisë në Ankara, Presidenti Erdogan e quajti gjeneral Haftarin puçist.
“Pavarësisht kësaj, ne mendojmë se bisedimet në Moskë ishin pozitive, sepse ato treguan fytyrën e vërtetë të puçistit Haftar para komunitetit ndërkombëtar”, tha kreu i shtetit turk.
Erdogan paralajmëroi se për Libinë do të diskutohet përsëri më 19 janar në Konferencën e Paqes në Berlin të Gjermanisë.
Lajme të tjera
-
Rusia jashtë Botërorit 2026, UEFA dhe FIFA nuk ndryshojnë qëndrim
19 Nëntor, 17:38 -
Kremlini thotë se administrata e Presidentit Biden po e përshkallëzon luftën në Ukrainë
18 Nëntor, 15:43 -
Lufta/ Tani në shënjestrën e Kievit janë depot dhe logjistika ruse, por edhe trupat e Penjanit
18 Nëntor, 08:05
-
Rusia s'i ndal sulmet, Ukraina rrëzon 21 dronë, 38 të tjerë ranë vetë pas goditjes elektronike në sistemet e navigimit
14 Nëntor, 11:38 -
Të ikur nga mobilizimi e persekutimi rus, çeçenët arrijnë në kufirin mes Bosnjës e Kroacisë
12 Nëntor, 09:12 -
Lufta/ Turqia mohon dërgimin e naftës në Izrael
11 Nëntor, 15:09 -
Moska: ‘Uashingtoni dëshiron të largojë arrogantin Zelensky në zgjedhjet e ardhshme!’ Edhe djali i Trump tallet me presidentin ukrainas: Edhe 38 ditë derisa të humbisni
11 Nëntor, 11:13 -
Fitorja e Trumpit mund të çojë drejt paqes në Ukrainë, por në favor të kujt?
8 Nëntor, 18:00 -
Ndërhyrje në zgjedhjet amerikane? Ambasada ruse në SHBA e mohon: S'ka asnjë provë, të shpikura për t’u përdorur në luftën e brendshme politike
6 Nëntor, 09:45 -
Votat e diasporës pritet të përcaktojnë emrin e presidentit në Moldavi! Kandidati prorus në avantazh me 0,5%
3 Nëntor, 22:43 -
Moldavët zgjedhin presidentin mes shqetësimeve për ndërhyrje ruse
3 Nëntor, 11:51 -
Lufta Rusi-Ukrainë/ Moska thotë se i rrëzoi 83 dronë ukrainas
1 Nëntor, 09:33
