POP 5

Lajmet më të lexuara të 5 minutave të fundit

Bota

Hakerat ‘gjunjëzojnë’ Australinë, BBC: Vodhën të dhënat e pothuajse gjysmës së popullsisë, tani u kërkojnë para

Gjigandi australian i telekomunikacionit Optus zbuloi disa ditë më parë, se rreth 10 milionë klientëve, apo të gati rreth 40% të popullsisë së vendit, u ishin vjedhur të dhënat përmes një sulmi kibernetik

Hakerat ‘gjunjëzojnë’ Australinë, BBC: Vodhën të dhënat e pothuajse gjysmës së popullsisë, tani u kërkojnë para

Gjigandi australian i telekomunikacionit Optus zbuloi disa ditë më parë, se rreth 10 milionë klientëve, apo të gati rreth 40% të popullsisë së vendit, u ishin vjedhur të dhënat përmes një sulmi kibernetik.

Disa ekspertë e përshkruan këtë si shkelja më e rëndë e publikimit të të dhënave në historinë e Australisë, shkruan BBC.

Por këtë javë ka pasur zhvillime më dramatike dhe të rrëmujshme, duke përfshirë këtu shantazhin me qëllim përfitimin e një shpërblimi, dhe retorikat e tensionuara publike. Gjithashtu është ndezur pyetje kritike rreth mënyrës sesi Australia i trajton të dhënat dhe privatësinë.

Optus - një degë e Singapore Telecommunications Ltd – bëri publike shkeljen 24 orë pasi vuri re një aktivitet të dyshimtë në rrjetin e saj.

Ofruesi i dytë më i madh i telekomunikacionit në Australi tha se të dhënat e klientëve aktualë dhe të mëparshëm ishin vjedhur, duke përfshirë emrat, datat e lindjes, adresat e shtëpisë, kontaktet e telefonit dhe emailit, si dhe numrat e pasaportës dhe patentës së drejtimit.

Ai theksoi se detajet e pagesës dhe fjalëkalimet e llogarive nuk ishin komprometuar.

Atyre të cilëve u janë marrë numrat e pasaportës ose licencës, afërsisht 2.8 milionë njerëzve, po përballen me rrezikun real të vjedhjes së identitetit dhe mashtrimit. Optus njoftoi se po heton shkeljen, e cila sipas mediave duket se e ka origjinën jashtë vendit.

Pas kësaj, në një një forum në internet u publikuan disa kampione të dhënash dhe nga Optus, u kërkua një shpërblim prej 1 milion dollarësh, që duheshin paguar në kriptomonedha. Kompanisë iu dha një javë afat për të dorëzuar paratë, në të kundërt u tha se të dhënat e tjera të vjedhura do të shiteshin pjesë-pjesë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu