Haki Çako u komandua në këtë post pas dorëheqjes së Artan Didit, ndërsa tashmë ka marrë edhe zyrtarisht emërimin në krye të policisë.
Shkelja e dy drejtuesve të lartë të Interpolit që bënë duke fshehur kërkesën e autoriteteve belge për arrestimin e deputetit Frroku me akuzën e vrasjes, sollën dorëheqjen e Artan Didit. Sipas tij, siç sqaronte edhe në kërkesën zyrtare për dorëheqje , kjo ngjarje ishte një ngjarje e papranueshme që ka cenuar imazhin e Policisë së Shtetit.
Çako ka një karriere 23 vjeçare në Policinë e Shtetit, por pas operacionit të Lazaratit u emërua zv.drejtor i përgjithshëm për krimet e rënda. Para se të emërohej zv.drejtor ai ka mbajtur pozicionin e drejtorit të qarkut në Gjirokastër
Redaksia Online
(a.h/shqiptarja.com)
![](https://www.shqiptarja.com/template/img/sh_logo1.png)