POP 5

Lajmet më të lexuara të 5 minutave të fundit

Sport

Hakik Çekiçi, nga imam në trajner ambicioz në fushë: Ëndrra është një stadium në Bulqizë

Mësues, trajner dhe administror i një klubi futbolli, por edhe predikues në xhami. Ky është Hakik Çekiçi, 45 vjeç nga Bulqiza, i cili për Report TV rrëfeu pasionet e tij, ndërsa lutet që sa më shpejt të ndërtohet një stadium në qytetin e tij

Hakik Çekiçi nuk është banorë i zakonshëm i Bulqizës. 45-vjeç, mësues i edukimit fizik në shkollën “Shefqet Tançi”, në të njejtën kohë administrator dhe trajner i ekipit të qytetit, që këtë sezon për herë të parë e ngjiti në Kategorinë e dytë. Në të kaluarën Çekiçi ushtronte profesionin e imamit në xhami, një besim që e predikon edhe sot.

“Kam qenë dhe është një pasion, profesion i nderuar, të jesh mësues në xhami, por kjo s’ka ndikuar aspak në xhami. Jam besimtarë i rregullt dhe e ushtroj me kënaqësi,”-u shpreh Hakik Çekiçi, trajner i Bulqizës.

Klubi i futbollit është pasioni më i madh i 45-vjeçarit. Për fatin e mirë në aspektin sportiv po njeh rritje, por nuk mund të thuhet e njëjta gjë në lidhje me insfrastrukturën, që e pengon të luajë në Bulqizë.

“E kemi marrë ekipin në kategorinë e tretë dhe me një punë shumë të madhe e kemi ngjitur në kategorine e dytë. Për fatin e keq, për arsyen teknike, stërvitet në Tiranë, por shpresoj që së shpejti të kthehemi në Bulqizë pasi na ka munguar fusha na ka munguar tifozlliku,”-tha Hakik Çekiçi, trajner i Bulqizës.

Kohën më të madhe para se të futej në rrugën e trajnerit, Hakik Çekiçi është marrë edhe me bletë rritjen, por ai qesh kur e kujton. Ishte më tepër pasion sesa profesion… thotë burri me besimin që djemtë e tij të stërviten fort e të bëjnë gola

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46