Prokuroria dhe Antimafia e Barit konfiskoi mallra me vlerë mbi 1 milionë euro, në pronësi të Ermal Mehmetit dhe Krenar Çobos, nga Vlora, që ishin në kërkim. Ndërkaq, akuza tha asokohe se po hetohej edhe klani Hasani në Durrës. Nga ana tjetër, në faqen zyrtare të Antimafies italiane gjendej dosja me nr 17761/08 RGGIP, ku gjatë operacionit “Labi” ishin zbuluar të tjerë anëtarë të rrjetit të heroinës. Rreth 327 vite burg u kërkuan për bandën, ku u shpallën në kërkim 19 anëtarë. Duket se 45-vjeçari ishte nr 1 i bandës dhe prokuroria kërkoi 30 vjet burg për të. Prokurorja Eugenia Pontassuglia shpalli pretencën edhe për Eno Priftin apo Enea Priftin, shoku i fëmijërisë së Shabanit.
Biznesmeni kosovar Skënder Spahia ishte hetuar në Kosovë dhe Bullgari për trafik ndërkombëtar heroine me lidhjet e duhura për sigurimin e heroinës që vjen nga Turqia. Një tjetër mik i besuar i 45-vjeçarit, i quajtur Sokol Isteri (Koli i Baftit) është dënuar me 28 vite burgim, ai është gjithashtu një biznesmen dhe jeton në Durrës. Një prej grupimeve më të rëndësishme nga hetimi i italianëve rezulton ai një binomi të fortë, ku përfshihej Fici, që të dy nga Durrësi dhe që të dy biznesmenë.
Për secilin prej tyre prokuroria ka kërkuar plot 28 vite burgim, pasi këtë grup e konsideronte si një nga kollonat kryesore të organizatës së drejtuar nga bosi 45-vjeçar dhe si grupin që siguronte të gjithë infrastrukturën e marrjes në Afganistan të heroinës, dërgesave nga Durrësi dhe shpërndarjen e disa kuintalëve në shtetin italian. Përveç sekuestrimit të 4 anijeve dhe qindra kilogramëve drogë, prokuroria italiane kishte përgjimet si provat kryesore.
Lista me anëtarët e grupit të heroinës dhe shpërbërja
Anëtarët e grupit, për të cilët prokuroria kërkoi burg ishin një 45-vjeçar, Eno Prifti, Sokol Isteri, Dritan e Gentian Xhelili, Arianit Hasani, Elton Arapi, Dorian Deci, Elide Viviana Viscogliosi, Bujar Isteri, Bledar Shuaipi, një biznesmen durrsak, Halil Fici, Skënder Iusufi, Ervin Seidini, Afrim Berisha, Arian Baci, Plarent Çela dhe Amdi Abdiaj. Për një pjesë të mirë të tyre prokuroria kërkoi mbi 25 vjet burg, ndërsa për më kryesorët kërkohej nga 30 vjet.
Këta anëtarë, më pas janë hasur edhe në banda të tjera si ajo e Durrësit, e Shijakut, e Gjepalit, etj, ndërsa njëri prej tyre, Plarent Çela u arrestua në Shtetet e Bashkuara të Amerikës, si pjesë e bandës së Krasniqëve, në vitin 2010. Sipas FBI-së kjo organizatë që trafikonte drogë dyshohet se drejtohej nga vëllezërit Saimir dhe Bruno Krasniqi, ndërsa pjesë e saj ishin: Almir Rrapo, 27 vjeç, i arrestuar në Tiranë si punonjës i Ministrisë së Jashtme dhe Plaurent Çela, 29 vjeç, Albert Tamali, etj.
Shkrimi u publikua sot (18.01.2014) në gazetën Shqiptarja.com (print)
Redaksia Online
(d.d/shqiptarja.com)
Lajme të tjera
-
SHBA/ Dorëhiqet prokurori Jack Smith, hetoi presidentin Trump për dokumentet sekrete dhe përpjekjen e përmbysjeve të zgjedhjeve në 2020
11 Janar, 22:55 -
VIDEO/ Superkupa 'deh' Milanin, Cagliari e ndal 1-1 në 'San Siro'! Alen Sherri në stol
11 Janar, 22:48 -
Flakët në Los Anxhelos, aktorja Jennifer Garner: Kam humbur një mik nga zjarri
11 Janar, 22:45 -
Stuhi e fuqishme dimërore në jug e lindje të SHBA
11 Janar, 22:37 -
E konfirmon Conte, Kvaratskhelia ka kërkuar të largohet nga Napoli këtë janar
11 Janar, 22:36 -
Manchester City shënon 8 gola në FA Cup, Guardiola konfirmon largimin e kapitenit! Chelsea fiton me 'shuplakë'
11 Janar, 22:29 -
Berat/ Aksident në qendër të qytetit, makina përplaset me shtyllën, drejtuesi braktis mjetin dhe largohet nga vendngjarja
11 Janar, 22:28
-
Pogradec/ Plagoset me thikë 23-vjeçari, po qethej në berbehane, sulmua në kokë dhe krah! Pas mjekimit bën kallëzimin në polici, efektivët në ndjekje të autorit (EMRAT)
11 Janar, 22:11 -
Ministria e Mbrojtjes: Nesër priten reshje intensive shiu dhe dëbore, ja qarqet më të rrezikuara
11 Janar, 22:03 -
FOTO/ Gjimshiti dhjetë qepje në kokë, Atalanta tregon gjendjen e kapitenit të Kombëtares
11 Janar, 21:59 -
Fier/ Sherr me thika në lagjen '8 Shkurti', plagoset në këmbë 16-vjeçari
11 Janar, 21:56 -
Aksident pranë Kishës së Laçit, Porsche bie nga lartësia 70 metra! Lëndohet rëndë çifti dhe dërgohen te Trauma (EMRAT+VIDEO)
11 Janar, 21:49
