POP 5

Lajmet më të lexuara të 5 minutave të fundit

Arkiva

Halimi: Gjyqtarët, bandë
kriminale? E papranueshme

Ministri i Drejtësisë i quajti të “papranueshme” deklaratat e kryesocialistit Edi Rama, të bëra pak ditë më parë në qytetin e Sarandës. “ Është e papranueshme të quash një gjykatë të tërë bandë kriminale. Rama të kërkojë falje, bllokoi ligjet me 3/5”- ka thënë Ministri i Drejtësisë sot paradite, i pranishëm në konferencën për arritjet dhe sfidat e shërbimit të provës.
Halimi: Gjyqtarët, bandë <br />kriminale? E papranueshme
TIRANE- Ministri i Drejtësisë Eduar Halimi i quajti të “papranueshme” deklaratat e kryesocialistit Edi Rama, të bëra pak ditë më parë në qytetin e Sarandës. Gjatë promovimit të librit “Kurban”, pak ditë më parë Rama i quajti gjyqtarët “bandë kriminale,” të cilët po lejonin shkatërrimin e Sarandës me ndërtime pa leje.

"Të adresosh kritika nga mëngjesi deri në darkë dhe të quash të gjithë gjyqtarët e një gjykate bandë kriminale e organizur nuk i bën mirë sistemit, sepse e para duhet të kërkosh falje që vite e vite ke penguar reformimin e sistemit duke urdhëruar mosmiratimin e ligjeve me 3/5. E dyta dallimi mes te mirës dhe të keqes, mes të ndershmes dhe të koruptuarve është shumë i rëndesishëm dhe deçiziv në çdo betejë në çdo luftë, në çdo sistem në çdo reformë. Sinjali më i mirë që mund të leshojë opozita për të përmirësuar gjendjen në të cilën ndodhet sistemi i drejtësisë është kontributi i saj në reformë për drejtësi - ka thënë Halimi sot paradite, i pranishëm në konferencën për arritjet dhe sfidat e shërbimit të provës.
Halimi ka bërë thirrje për inkurajimin e gjyqtarëve dhe prokurorëve të ndershëm ndërsa theksoi se "reforma e shërbimit të provës ngelet një nga reformat më të rendësishme të Ministrisë së Drejtësisë”. Të pranishëm në këtë aktivitet kanë qenë dhe kreu i i Delegacionit të BE në Shqipëri z. Etore Sequi, Kreu i Prezencës së OSBE në Shqipëri Ambasadori Eugen Volfarth dhe përfaqësues nga UNICEF.

Aktualisht Shërbimi i Provës ka në kujdesin e tij 3500 persona, të proceduar nga sistemi i drejtesisë per vepra te lehta penale. Ky institucion i rëndësishëm në sistemin e drejtesisë, është në funksion që prej dy vjetësh.

DEKLARATA E RAMES NE SARANDE
"Kryetari i Bashkisë së Sarandës ka marrë shuplaka nga një gjykatë e mirëfilltë kriminale. Është bandë e mirëfilltë kriminale. Një organizatë mafioze me qëllim fitimi, që operon me vendime që janë turp i turpit të çdo drejtësie, dhe të çdo shkolle apo klase, ku këta dallkaukë kanë marrë aq mësime sa kanë marrë për drejtësinë. Tomat dhe Sashenkat edhe këtu në Sarandë veprojnë me të njëjtin brutalitet. Ky sistem drejtësie po denigron dhe shkatërron trupin fizik të Shqipërisë dhe trupin moral të shoqërisë tonë”

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça