POP 5

Lajmet më të lexuara të 5 minutave të fundit

Ekonomi

“Hallet e vjetra” bashkojnë të majtë e të djathtë, kryebashkiakët: Plehrat e ujëra të zeza ‘sfidë’ për turizmin

Menaxhimi i mbetjeve dhe trajtimi i ujërave të zeza, janë dy sfidat që do të vulosin vijimin e bumit turistik. Kryetarët e disa bashkive të PS-së apo PD-së, i bashkoi i  njëjti ‘hall’ i vjetër, pastrimi i territorit e sidomos i plazheve

Vetëm ‘nami i mirë’ për bregdetin e natyrën e Shqipërisë nuk mjafton për të ruajtur rekordin turistik.  ‘Hallet e vjetra’ bënë bashkë disa kryebashkiakë të vendit, të majtë e të djathtë, me synim menaxhimin e mbetjeve dhe të ujërave të zeza.

“Është shumë e rëndësishme që qeveria të ndërhyjë për ujërat e zeza sepse aty nis e mbaron sezoni turistik. Nëse kemi ujëra të zeza atje, kot bëjmë zbukurime e kot flasim”, tha Fisnik Qosja kryetar i Bashkisë Kavajë.

Kryebashkiaku i Kavajës Fisnik Qosja tha se përballë turistëve të shumtë, sfidat janë rritur dhe për t’iu përgjigjur atyre ka edhe mbështetjen e qeverisë.

“Sfida e turizmit për bashkinë e Kavajës është e shumë e madhe. Në Kavajë pushojnë 550 mijë turistë. Kemi shumë zona që nuk janë prekur si plazhi i Gjeneralit, i Karpenit, plazhi i Carinës, i Forsilukut që duan një zhvillim dhe seriozitet më të madh në anën infrastrukturore dhe në trajtimin e ujërave të zeza. Kjo është sfida, unë kam folur edhe me kryeministrin, dhe është i gatshëm që të ndërhyjë”, tha Qosja.

Kurse bashkia e Lezhës po bën gati një tjetër projekt për menaxhimin e mbetjeve në bashkëpunim me GIZ, por Pjerin Ndreu nuk dha detaje.

“Nëse do të realizohet do të jetë i pari projekt në Shqipëri që do të aplikohet dhe atëherë do të jetë një histori tjetër në menaxhimin e mbetjeve që do të shkojë sipas skemës së Gjermanisë apo shteteve tjera të zhvilluara”, tha kryetari i Bashkisë Lezhë.

Pagat e punonjësve të pakualifikuar që punojnë për pushtetin vendor nuk u rritën, duke vështirësuar gjetjen e krahut të punës. Këtë shqetësim e ndau në takim kryebashkiaku i Mirditës Albert Mëlyshi.

“Duhet të kishte një rritje pagash për punonjësit e mirëmbajtjes dhe pastrimit. Kjo nuk ndodhi, dhe pastaj has vështirësi në burimet njerëzore”, tha Mëlyshi.

Përtej sfidave disa bashki të vendit po përjetojnë ditë të mira në aspektin ekonomik. Bashkia e Kavajës ka dalë nga vështirësia financiare tha Qosja.

“Kemi rritur të ardhurat me 50%, kemi marrë goxha taksa nga operatorët turistik, por theksi më i madh është tek taksa e ndikimit në infrastrukturë. Ka një bum ndërtimesh prej turizmit”, tha Fisnik Qosja kryetar i Bashkisë Kavajë.

Kurse Shijaku po përmbyll legalizimin e çdo banese.

“Kemi trokitur në çdo derë dhe na kanë dalë 2065 dosje, i kemi plotësuar siç duhet për të pasur një certifikate pronësie, dhe të gjitha dosjet i kemi dërguar në mënyrë zyrtare në ASHK”, u shpreh Elton Arbana kryetar i Bashkisë Shijak.

‘Fuqizimi i lidershipit lokal’ ishte aktiviteti që mblodhi kryebashkiakët të majtë e të djathë, i organizuar nga Ministri i Shtetit për Pushtetin Vendor, në bashkëpunim me Institutin për Bashkitë dhe Fondacioni Hanss Seidel Stiftung.

G.M./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29