Hamilton 'fluturon' në provat zyrtare të Gjermanisë, Ferrari për faqe të zezë

Përkundër surprizave që priteshin edhe në provat zyrtare të Çmimit të Madh të Gjermanisë skuderia e Ferrari-t ka zhgënjyer. Lewis Hamilton, ashtu siç ka bërë pothuajse gjatë gjithë kohës këtë sezon, ka rregjistruar xhiron më të shpejtë duke fituar ‘pole-position’.

Në krah të britanikut të Mercedes nesër do të niset Max Versttappen, i cili u rendit i dyti në provat zyrtare të zhvilluara sot. Ndërkohë në vendin e tretë ishte një tjetër makinë Mercedes, kësaj here e drejtuar nga Botass, ndërsa në vendin e katërt u rendit Gasly me makinën ‘Red Bull’.

Sa i përket Ferrarit ka qenë një e shtunë totalisht e dështuar. Skuderia e kuqe kishte patur një rendiment mjaft shpresdhënës në provat e lira, por sot dy pilotët e saj janë renditur si mos më keq. Vettel nuk realizoi dot asnjë xhiro dhe do ta nisë nga vendi 20, ndërsa Leclerc nuk mori pjesë në sesionin e tretë dhe final duke mos shkuar më shumë se vendi i 10.

Ne.k./Shqiptarja.com

TAG:
• formula 1
• ferrari
• Çmimi i madh i gjermanisë