“Procesi i anëtarësimit, në vitet e kaluara tregoi se është e nevojshme të merren masa dhe veprime solide në zgjerimin e BE-së” deklaroi Han. Ai tha vendet kandidate që duan të jenë pjesë e BE patjetër duhet t’i plotësojnë principet e qeverisjes si dhe kritereve e tjera të vendosura nga Komisioni Evropian që janë lufta ndaj korrupsionit dhe shteti i së drejtës.
“Nga këndvështrimi i sotëm procesi i pritjes për shtetet kandidate do të vazhdojë edhe për një kohë. Për këtë arsye vlerësimi real është se në të ardhmen e afërt nuk do të ketë zgjerim”, ka theksuar zyrtari i larë evropian.
Han theksoi se është e domosdoshme që shteti i ri “të pranohet me gëzim” dhe nga ana e shtetasve të BE-së të mos kuptohet kjo si ngarkesë apo barrë.
Ish-komisioneri për politikat rajonale në kabinetin e Hoze Manuel Barrosos, Johanes Hahn do të ketë sfida të vështira, duke nisur nga trajtimi i krizës me të cilën po përballet Ukraina, por edhe procesi i zgjerimit të BE me vendet e Ballkanit Perëndimor. Parlamenti Evropian do të nisë me seancat dëgjimore të secilit komisioner, më 29 shtator. Votimi për ekzekutivin e ri evropian do të bëhet në fund të tetorit.
Redaksia Online
(g.f/Shqiptarja.com)