TIRANE- Qeveria ka hapur garën për Drejtorin e përgjithshëm të Autoritetit të Mbikëqyrjes Financiare pas mbarimit të mandatit të Ervin Koçit. Ish deputeti i PS, Ervin Koci, zëvendësoi në këtë detyrë Enkeleda Shehun, pasi kjo e fundit u shkarkua nga parlamenti.
Të interesuarit kanë afat deri më 24 janar 2020 të paraqesin dokumentet pranë Kryeministrisë. Drejtori i AMF është njëkohësisht edhe anëtar i bordit të këtij autoriteti. AMF-ja mbikëqyr tregun financiar në vend, kompanitë e sigurimeve, fondet e pensioneve private etj. Por cilat janë kriteret për të garuar për postin e kryetarit të AMF-së? Lexoni më poshtë.
NJOFTIMI I PLOTE NGA KRYEMINISTRIA
Mbështetur në nenin 6, të ligjit nr.9572, datë 3.7.2006, “Për Autoritetin e Mbikëqyrjes Financiare”, të ndryshuar, Këshilli i Ministrave shpall njoftimin për fillimin e procesit të përzgjedhjes së kandidatit për anëtar të Bordit të Autoritetit të Mbikëqyrjes Financiare, që do të mbajë funksionin e drejtorit të Përgjithshëm Ekzekutiv, pas emërimit nga Kuvendi.
⦁ Aplikanti duhet të plotësojë këto kritere:
1. Të jetë shtetas shqiptar;
2. Të ketë përfunduar studimet universitare në një nga këto fusha: ekonomi, juridik ose të lidhur me shkencën e aktuarëve;
3. Të ketë përvojë profesionale të paktën 7-vjeçare, nga e cila, të paktën, 5 vjet në njërën nga këto fusha ose në disa prej tyre të marra së bashku:
a) financë-kontabilitet;
b) administrim i shoqërive tregtare;
c) këshillim ligjor i shoqërive tregtare;
ç) hartim legjislacioni;
d) shkencë e aktuarëve;
dh) sigurime shoqërore dhe pensione.
4. Të gëzojë integritet moral dhe profesional;
5. Të jetë i paangazhuar në funksione drejtuese partiake;
6. Të mos jetë i dënuar penalisht, me vendim gjykate të formës së prerë;
7. Të mos jetë në rrethana të konfliktit të interesit, në përputhje me legjislacionin në fuqi.
Përbën avantazh për kandidatin përmbushja edhe e kritereve të tjera plotësuese, si:
1. Studime të thelluara në fushën e financave, të administrimit të biznesit dhe drejtësisë (master ose doktoraturë);
2. Përvojë pune në fushën e sigurimeve /fondeve të pensioneve /fondeve të investimeve/bankave;
3. Përvojë drejtimi në nivele të larta;
4. Aftësi të shkëlqyera të komunikimit në të folur dhe në të shkruar të gjuhës shqipe dhe gjuhës angleze.
Nuk mund të jetë anëtar i Bordit të Autoritetit të Mbikëqyrjes Financiare personi, i cili:
1. në tri vitet e fundit ka qenë ortak, aksionar apo anëtar i organeve drejtuese të subjekteve të mbikëqyrura;
2. ka lidhje familjare me ndonjë subjekt që është ortak, aksionar apo anëtar i organeve drejtuese të subjekteve të mbikëqyrura;
3. në tri vitet e fundit ka qenë punonjës me kohë të pjesshme apo të plotë në subjektet e mbikëqyrura.
⦁ Dokumentet që duhet të dorëzohen janë:
1. Kërkesë për aplikim;
2. Kopje të letërnjoftimit;
3. Curriculum Vitae në gjuhën shqipe;
4. Dokumente të diplomimit (të noterizuara);
5. Dokument që të provojë vjetërsinë në një nga fushat e kërkuara (vërtetim nga institucioni/shoqëria tregtare);
6. Formular të vetëdeklarimit për garantimin e integritetit të personave që zgjidhen, emërohen ose ushtrojnë funksione publike, në përputhje me ligjin nr.138/2015, të ndryshuar (të plotësuar e të firmosur);
7. Formular të aplikimit për informim, për zyrtarët përpara emërimit/zgjedhjes në poste të larta, në zbatim të ligjit nr.45/2015, “Për të drejtën e informimit për dokumentet e ish-Sigurimit të Shtetit të Republikës Popullore Socialiste të Shqipërisë” (të plotësuar e të firmosur);
8. Vetëdeklarim se interesat private janë në përputhje me kërkesat dhe dispozitat ligjore për konfliktin e interesave;
9. Vetëdeklarim se nuk është i angazhuar në funksione drejtuese partiake;
10. Dokumente të tjera në funksion të përmbushjes së kritereve të tjera plotësuese.
(Deklarimi i rremë sjell përjashtimin nga çdo procedurë e mëtejshme e konkurrimit dhe përgjegjësi penale sipas legjislacionit në fuqi).
⦁ Afati i dorëzimit të aplikimit, deri më 24 janar 2020.
⦁ Adresa: Kryeministria
Bulevardi “Dëshmorët e Kombit”, nr.1, 1000
Tiranë, Shqipëri
Zyra e Sekretarit të Përgjithshëm
Tel.: 00355 4 22 77 401
Inkurajojmë të gjithë të interesuarit për aplikim.
Lajme të tjera
-
Dezinformimi/ Kreu i AIF, Koçi: Burime financiare për dezinformim edhe në Shqipëri, manipulim i tregut dhe pagesa nën hije me kriptomonedha
23 Tetor, 13:07 -
Shoferët problematikë siguracion më të lartë për makinën nga janari 2025! Drejtuesja e AMF: 7 faktor risku, më të penalizuar ata që kanë mbi 2 aksidente e mjet me 3 mijë kubik
16 Tetor, 10:42
-
EKSKLUZIVE/ EMRAT e 53 ekspertëve që do të angazhohen në Komisionin antikorrupsion të drejtuar nga Fatmir Xhafaj! Mes tyre gruaja e Sokol Olldashit e ish këshilltari i Metës
10 Shtator, 10:47
-
Shofer 'problematik,' sigurim më të lartë për makinën, tarifat e reja në korrik! AMF: Brenda vitit drafti për sigurimin e detyrueshëm të banesave nga tërmetet
15 Maj, 20:25
-
AMF nis zbatimin e udhërrëfyesit për regjimin europian të mbikëqyrjes në sigurime, çfarë parashikohet të ndodhë
29 Shkurt, 12:16 -
Drejtoresha e AMF takon ekipin e Bankës Botërore, diskutohet regjimi evropian në sigurime dhe financat e gjelbra
2 Shkurt, 17:53 -
VKM/ Qeveria propozon emrin e ri të drejtorit të AMF-së, ndryshohet dhe drejtuesi i Autoritetit të Aviacionit Civil
22 Nëntor 2023, 16:30 -
Tregu i sigurimeve, fitim rekord prej 14.3 milionë eurosh në 2022
12 Korrik 2023, 07:22 -
IAIS miraton raportin për AMF/ Përputhshmëria me standardet ndërkombëtare në sigurime në masën 77.9%
14 Qershor 2023, 14:24 -
Debate te ‘Ekonomia’ për tregun e sigurimeve! AMF: Qëndrueshmëria e kompanive tregon stabilitet! Braçe: tregu i ‘sigurimeve’ kënetë! Tabaku: I njëjti treg ndër vite
30 Maj 2023, 14:34 -
Hyjnë në bursë bashkitë e kompanitë shtetërore, kreu i AMF: Sinjal pozitiv për tregun! Ibrahimaj: Ky treg nxit investimet, do rrisë punësimin
26 Maj 2023, 17:31
-
AMF organizon tryezë diskutimi për zhvillimin e tregjeve të kapitalit
26 Maj 2023, 10:31
