POP 5

Lajmet më të lexuara të 5 minutave të fundit

Bota

Hapen qëndrat e votimit në Izrael, Netanyahu 'luan' gjithçka për të fituar

Ajo që do të zhvillohet do të jetë një betejë e brendshme në mes të djathtës ose, më së shumti, të djathtës dhe qendrës. Të gjithë analistët thonë se pak ka ndryshuar në elektorat në krahasim me zgjedhjet e prillit kur Likud (Partia e Netanyahut) ishte kokë më kokë me Blu dhe Bardhë (Partia e ish Shefit të Shtabit Benny Gantz, 60 vjeç).

 

Hapen qëndrat e votimit në Izrael, Netanyahu 'luan' gjithçka për të fituar

Më pak se gjashtë muaj pas votimeve të fundit, Izraeli kthehet sot në votime për të rinovuar Knesset, parlamentin.

Një precedent absolut në historinë e vendit, që në rrugët e Tel Avivit, zemra liberale e shtetit hebre, nuk arrin të ndal dhe ironitë ndaj Kryeministrit actual.

Por Tel Avivi nuk është Izraeli dhe sipas sondazheve, mbizotëruese nuk do të jenë partitë e majta.

Ajo që do të zhvillohet do të jetë një betejë e brendshme në mes të djathtës ose, më së shumti, të djathtës dhe qendrës.

Të gjithë analistët thonë se pak ka ndryshuar në elektorat në krahasim me zgjedhjet e prillit kur Likud (Partia e Netanyahut) ishte kokë më kokë me Blu dhe Bardhë (Partia e ish Shefit të Shtabit Benny Gantz, 60 vjeç).

Në prill, secila nga dy partitë mori 35 vende nga 120 në Knesset.

Fushata elektorale e shtatorit u mbizotërua nga tema e marrëdhënies midis shtetit dhe fees. Lëshimet që Netanyahu ishte i gatshëm t’i bënte hebrenjve ultra-ortodoksë në këmbim të mbështetjes së tyre, nuk i pëlqeu Avigdor Lieberman, 61 vjeç, ish-Ministri i Mbrojtjes dhe Punëve të Jashtme, i cili me "jo" e tij bllokoi lindjen e ekzekutivit.

Në prag të votimeve, ai është i vetmi fitues i sigurt: sondazhet i atribuojnë midis 9 dhe 11 vendeve, më shumë se dyfishin e katër vendeve që ai ka tani. Prandaj do të jetë ai që do të heqë gjilpërën e balancës mes Netanyahu ose Gantz.

Mendohet se partitë e vogla do të kenë rol vendimtar në rezultatin përfundimtar. Negociatat për krijimin e një qeverie të re pritet të nisin menjëherë pas përfundimit të votimit në 22 të mbrëmjes, ku publikohen edhe exit pollet e para.

 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Mars, 23:36

    Zgjedhjet e 11 majit, a i besoni premtimet e partive?

Lajme të tjera



×

Lajmi i fundit

‘Gërdeci’ në SPAK, Meçe: Çështja mund të mbyllet pa u zbuluar e vërteta, Petraj: Duhet të merren me ata që bën tenderin

‘Gërdeci’ në SPAK, Meçe: Çështja mund të mbyllet pa u zbuluar e vërteta, Petraj: Duhet të merren me ata që bën tenderin

25 Mars, 18:37