Kjo datë zgjedhjesh përkon ekzaktësisht me datën kur u zhvilluan katër vite me parë e ku Lulzim Basha u votua nga anëtarësia demokrate me 80 përqind të votave përballë rivalit të tij të ndjerit Sokol Olldashi.
Në atë kohë gara u zhvillu mes këtyre dy kandidiatëve pas dorëheqjes së parevokuehsme të Sali Berishës, i cili i humbi zgjedhjet pas 8 vitesh në pushtet, ndërsa aktualisht shkohet në këto zgjedhje ku dy kandidat zyrtarë deri më tani është Lulzim Basha që e drejtoi PD në këto katër vite, dhe pas humbjes në zgjedhjet e 25 qershorit e ngriu pozicionin e tij si kryetar nga funksionet organizative si dhe Eduart Selami i cili është sfidanti i parë që e ka shpallur këtë ambicie.
Dy nënkryetarët e Partisë Demokratike, Edi Paloka dhe Edmond Spaho duke iu referuar statusit të Partisë Demokratike bëjnë me dije vendimin përhapjen e kësaj gare, në të cilin thuhet se të gjithë kandidatët demokratë që duan të bëhen pjesë e këtij procesi duhet të paraqesin kërkesën për kandidim deri me datën 2 korrik ndërsa zgjedhjet do të mbahen me datën 22 korrik.
Po ashtu sipas këtij vendimi duke iu referuar statusit të Partisë Demokratike, dy nënkryetarët e kësaj force politike evidentojnë se për modalitetet dhe procedurat e këtyre zgjedhjeve ngarkohet komisioni i organizimit dhe kontrollit të operacioneve elektorale.
Ndonëse një ditë më parë kryetari Lulzim Basha tha se mandaton dy nënkryetarët dhe Sekretarin e Përgjithshëm të merren me këtë proces në fund të këtij vendimi firmat janë vetëm të dy nënkryetarëve dhe jo të Sekretarit të Përgjithshëm Arben Ristani, i cili pas zgjedhjeve të 25 Qershorit nuk do të jetë në parlament pasi ishte i katërti në qarkun e Vlorës, prag të cilin PD nuk e arriti.
![](https://www.shqiptarja.com/template/img/sh_logo1.png)