POP 5

Lajmet më të lexuara të 5 minutave të fundit

Ekonomi

Hapet tenderi për projektin për transferimin e përpunimit të mallrave në Porto Romano! Gara mbyllet në 9 korrik me fond 9.3 mln €

Është hapur këtë të enjte gara për hartimin e projektit për transferimin e shërbimeve të përpunimit të mallrave nga Durrësi në Porto Romano. Tenderi vjen pak muaj pas marrëveshjes me Emiratet Arabe për ta kthyer portin aktual të Durrësit në port jahtesh luksoze, për qëllime turistike.

Disa muaj pas nënshkrimit të marrëveshjes së qeverisë shqiptare me Emiratet e Bashkuara Arabe për ta kthyer portin e Durrësit në port turistik është hapur tenderi për të hartuar projektin për transferimin e shërbimeve të përpunimit të mallrave në Porto Romano.

Tenderi është hapur nga Autoriteti Portual Durrës, ka vlerën e 1.1 miliardë lekë ose 9,3 milionë euro, dhe të gjitha kompanitë e interesuara kanë afat deri më 9 korrik 2021 për të marrë pjesë në garë.

Pas nënshkrimit të kontratës më fituesin, kompania do të ketë 8 muaj për të realizuar projektin e detajuar teknik të Portit të ri tregtar. Në të do të jenë të specifikuara të gjitha kapacitetet apo investimet në bazë edhe të masterplanit strategjik Durrës-Porto Romano 2030.

Porti i ri i mallrave do të ketë katër terminale, atë të mallrave të përgjithshme dhe i drithërave, të materialeve të ndërtimit, si ai i çimentos e klinkerit, të mineraleve dhe  qymyreve si dhe terminalin e mbetjeve si skrapi.

“Ndryshimi i këtyre flukseve portuale do të rrisë cilësinë e ajrit të qytetit të Durrësit, do të përmirësojë cilësinë e jetës së banorëve dhe do të krijojë më tepër mundësi për të zhvilluar qytetin drejt turizmit rajonal”, thuhet në masterplanin i cili i është bashkëlidhur dokumenteve të tenderit.

Nga ana tjetër pak ditë më parë qeveria ka miratuar zgjerimin e Portit të Porto Romanos me territore të reja, për të përballuar shërbimet e shtuara. Sa i takon portit të Durrësit, ai do të kthehet në një destinacion turistik, pasi kompania, EMAAR nga Emiratet e Bashkuara Arabe do të investoi 2 miliardë euro për të bërë një port jahtesh dhe një kompleks me rezidenca luksoz, të ngjashme me “Dubai Marina”.

(Kliko këtu ) MASTER PLANI STRATEGJIK DURRËS – PORTO ROMANO 2030

Tenderi per projektin 

 

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ska problem: 10/06/2021 17:00

    Vazhdon babezia , pa diskutuar me grupet e interesit dhe qytetaret e durresit dhe e firmosur me Z/kryeminister gje e cila duhet te kaloje ne parlamen ,por e menduar deri ne detajin me te vogel ,parlamenti i ri do te mblidhet ne shtator se shpejti dhe bashkine e durresit e majta duket se nuk e merr me ,prandaj dhe nxitimi duket hapur .vazhdon shitja e apartamente ne bllokun e portit te durresit

    Përgjigju
  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Korrieri shqiptar i drogës dëbohet nga Terni, 26-vjeçari vuajti 3 vite burgim! U kap me 195 pako kokainë, trafikonte mes Shqipërisë dhe Italisë

Korrieri shqiptar i drogës dëbohet nga Terni, 26-vjeçari vuajti 3 vite burgim! U kap me 195 pako kokainë, trafikonte mes Shqipërisë dhe Italisë

31 Mars, 16:03