POP 5

Lajmet më të lexuara të 5 minutave të fundit

Politikë

Hapet tuneli i Murrizit, përfundojnë gërmimet pas 55 muajsh! Në vitin 2024 pritet të nisë qarkullimi! Rama: Shenjë e mirë që u hap para se të mbarojë viti

Pas më shumë se 4 vitesh shfaqet dritë në gërmimet për ndërtimin e Tunelit të Murrizit në Rrugën e Arbrit. Për të inspektuar përfundimin e gërmimeve ishte kryeministri Edi Rama i cili tha se tuneli që afron Dibrën me Tiranën do të hapet plotësisht vitin e ardhshëm.

Pas 55 muajsh gërmime, është parë drita në fund të tunelit të Murrizit, një nga veprat më të rëndësishme të Rrugës së Arbrit.

Tuneli i Murrizit është i gjatë 3.7 kilometra ka nisur të hapet në maj të 2019-ës por pasur ecuri të avashtë për shkak të gjeologjisë së vështirë, dhe rrëshqitjes së dherave.

Për të inspektuar përfundimin e gërmimeve ishte kryeministri Edi Rama, i cili vlerësoi cilësinë e punimeve, teksa theksoi se nuk priste që tuneli do të hapej brenda këtij vit. Ndërkohë tuneli pritet të hapet për qarkullimin e makinave vitin e ardhshëm.

“Dalja e dritës, nga bashkimi i të dy anëve të kantierit më sfidues të punëve të mëdha publike, është çasti i shumëpritur i një përpjekjeje të zgjatur nga gjeologjia tejet e pafavorshme, e cila ka sjellë shtyrjen e përfundimit të plotë të Rrugës së Arbërit. Ishte një shenjë e mirë që u hap para se të mbarojë viti se këtë ne nuk e prisnim. Ishte përshpejtim!  Thjeshtë ta mbarojmë me kulmin e cilësisë, pastaj kur të mbarojë të mbarojë. Brenda viti tjetër s’diskutohet, por le t’ia lëmë dhe pak fatit këtu se këtu çfarë s’kemi parë. Tani gjithësi është më në kontroll puna”. –u shpreh kryeministri Rama.

Kryeministri theksoi se “ky tunel ka nisur në 2018 dhe do të përfundojë në 2024”.

“Ndërsa tuneli i Llogorasë, i cili përfundon në qershor 2024 ka nisur shumë më vonë se sa ky, por duke pasur një gjeologji shumë më të favorshme në Llogora, e njëjta kompani ecën me rreth 20m në ditë, ndërkohë që në Murriz përparon me afro 2 metër në ditë. Gjithsesi, më e keqja ka kaluar dhe tanimë drita e sotme është një arsye e fortë për të besuar që 2024 do ta vulosë edhe fundin e kësaj vepre kaq sfiduese”, u shpreh Rama.

48 kilometrat e Rrugës së Arbrit u dorëzuan në 29 nëntor 2021, ndërsa kalimi në qafë të Murrizit ku u hap tuneli, ende vijon përmes një bypassi me gjatësi 8.8 kilometra.

Punimet për ndërtimin e Rrugës së Arbrit prej 69 kilometrash, e përbërë nga 6 tunele dhe 4 ura, nisën në vitin 2019, ndërsa kostoja totale e koncesionit 13 vjeçar përllogaritet në  40.3 miliardë lekë.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjergj: 26/12/2023 17:12

    Pas pèrcèllimit tè pallatit nè Lushnje, ku miliona pasuri e shqiptarève, "ngrohi" atmosferèn dimèrore nè qytet sepse zjarrfikèsja NUK KA SHKALLÈ,,duheshe njè lajm si ky, ku tuneli, mè nè fund na qènkèsh hapur. Rob i keq, ai qè mendon se duhet shpèrngulur vèmendja nga ata zjarrfikèsit pa shkallè !!!

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57