Haradinaj: I pakuptueshëm hezitimi
i opozitës për rrëzimin e qeverisë

PRISHTINE- Kryetari i Aleancës për Ardhmërinë e Kosovës, Ramush Haradinaj deklaroi se nuk duke i kuptuar partitë e tjera opozitare të cilat hezitojnë që ta dërgojnë vendin në zgjedhje sa më shpejt që është e mundur.

“Është i pakuptimtë qëndrimi i subjekteve që kërkojnë zgjedhje në muajin qershor, ndërkohë sipas tij edhe sikur zgjedhjet të organizohen në prill, për të cilin afat është duke u angazhuar AAK-ja, në të dyja rastet, zgjedhjet janë të parakohshme. Nuk e di pse të humbet koha”, ka thënë ai pas një takimi që kishte me kryetarin e Komunës së Prishtinës, Shpend Ahmeti.

I pari i Prishtinës, Shpend Ahmeti, përsëriti qëndrimin e Lëvizjes Vetëvendosje, kundër qeverisjes aktuale të Kosovës.

Ndërkaq situatën e tanishme në vend, i pari i Prishtinës Shpend Ahmeti e sheh si diçka që duhet të diskutohen në mes të gjithë atyre, të cilët, sipas tij, janë të interesuar që vendi të shkojë në zgjedhje të reja.

“Qëndrimi im është i njëjtë me qëndrimin e Lëvizjes Vetëvendosje që prej vitit 2011 kërkon dorëheqjen e kësaj qeverie. Ne e kemi dhënë shumor herë edhe një ditë shumë e kësaj qeverie është një ditë më shumë dëm për Kosovën. Por, po e them mënyrat e përfundimit të kësaj qeverie mbeten të diskutohen në mes të subjekteve politike . Mendoj se këto janë gjanat që duhet të diskutohen në mes të gjithë atyre, të cilët janë të interesuar që vendi të shkojë në zgjedhje të reja, të ketë mandat të ri për qeverisje të re”, shprehet Ahmeti.

Hardinaj është kryetari i parë i një subjekti politik që viziton kryetarin e Prishtinës, përkundër që diskutimet nuk kapën vetëm rrafshin lokal të qeverisjes. Përveç kësaj çështje, thonë se kanë diskutuar edhe për infrastrukturën dhe situatën e punësimit në kryeqytet.

Marrë nga "RTK"

Redaksia Online
(e.s/shqiptarja.com)