POP 5

Lajmet më të lexuara të 5 minutave të fundit

Kosova & Rajoni

Haradinaj jep datë të re për liberalizimin e vizave dhe fajëson për këtë vonesat e krijimit të institucioneve

“Fatkeqësisht nuk ka ndonjë zhvillim në çështjen e liberalizimit të vizave për Kosovën. Komisioni Europian konfirmoi përmbushjen e kritereve, dhe Parlamenti Europian e ka aprovuar mandatin e tij të negociatave, përsëri në shtator pas zgjedhjeve”, ka thënë Fajon

Haradinaj jep datë të re për liberalizimin e vizave dhe fajëson për këtë vonesat e krijimit të institucioneve

Ndërsa kryeministri në detyrë Ramush Haradinaj, po ngutet për të dhënë deklarata rreth liberalizimit të vizave duke premtuar se këto mund të hiqen në fund të shkurtit ose fillim të marsit, raportuesja në Parlamentin Europian për këtë çështje, Tanja Fajon, ka thënë se nuk ka zhvillime rreth këtij procesi, dhe se nuk mund të jepet ndonjë datë për vitin tjetër, edhe pse Kosova i ka përmbushur të gjitha kriteret e kërkuara nga BE-ja.

“Fatkeqësisht nuk ka ndonjë zhvillim në çështjen e liberalizimit të vizave për Kosovën. Komisioni Europian konfirmoi përmbushjen e kritereve, dhe Parlamenti Europian e ka aprovuar mandatin e tij të negociatave, përsëri në shtator pas zgjedhjeve”, ka thënë Fajon.

Ajo theksoi  se pret që si Komisioni Europian dhe Parlamenti, të veprojë edhe Këshilli i Ministrave, dhe që ky proces të ecë tutje.

Mirëpo, ndryshe prej Fajon-it, sipas Ramush Haradinaj, liberalizimi i vizave mund të ndodhë në fund të shkurtit, më së largu, në fillim të marsit.

Haradinaj tha se “Për vonesën e liberalizimit të vizave ka ndikuar edhe vonesa në formim të institucioneve. Besoj që kjo na ka krijuar problem”, ka thënë ai.

Por kryeministri gjatë këtij viti ka dhënë edhe të tjerë afate kohorë, si në shtator, nëntor apo dhjetor. Po a do të hiqen vizat në shkurt apo mars, ose në ndonjë muaj tjetër gjatë vitit të ardhshëm, mbetet të shihet nga vendimet e presidencës së re të BE-së.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Klinika 24’ në REPORT TV/ Mjekja Anjeza Kuci: Tregoni kujdes për hundët, veshët dhe bajamet në periudhën virale

‘Klinika 24’ në REPORT TV/ Mjekja Anjeza Kuci: Tregoni kujdes për hundët, veshët dhe bajamet në periudhën virale

25 Janar, 21:49