Haradinaj: Marrëveshjet një nga një strategji e Serbisë për të vonuar njohjen e Kosovës

Lideri i AAK’së, Ramush Haradinaj ka reaguar pas arritjes së marrëveshjes mes Kosovës dhe Serbisë për dokumentet hyrëse-dalëse. Ai shkruan se marrëveshjet një nga një janë në interes të Serbisë, për ta vonuar Kosovën. Përmes një postimi në Facebook, Haradinaj shkruan se Kosovës i duhet një marrëveshje përfundimtare që sipas tij, arrihet vetëm me përfshirjen e drejtpërdrejtë të Shteteve të Bashkuara të Amerikës.

"Dakordimi që të zbatohet një marrëveshje për dokumentet, e arritur qysh në vitin 2011, është një shenjë e mirë e vetëdijësimit se marrëveshjet duhet të zbatohen. Është për keqardhje që është dashur të pritet kaq gjatë e të shpenzohet kaq mund e energji për zbatimin e një marrëveshjeje që mundëson lëvizjen e lirë të qytetarëve të të dyja vendeve. Marrëveshjet një nga një janë strategji e Serbisë për të blerë kohë e për ta vonuar Kosovën.

LEXO EDHE:
Rama thumbon Kurtin? Ndërhyrjet në Maqedoni synojnë destabilitet! Lufta për pushtet dobëson dhe përçan faktorin politik shqiptar

Interesi shtetëror, nacional e qytetar i Kosovës është marrëveshja përfundimtare për njohje, e cila mund të arrihet vetëm me përfshirjen e drejtpërdrejtë të Shteteve të Bashkuara të Amerikës, pa ndihmën e të cilës nuk do të fillonte as zbatimi i marrëveshjes për dokumentet e identifikimit. Kanë kaluar njëzetë e sa vjet ç’prejse është krijuar një realitet i ri në Kosovë dhe mbi katërmbëdhjetë vjet qysh Kosova është shpallur shtet sovran dhe i pavarur. Tash është koha e duhur që dialogu të kalojë në një nivel tjetër dhe Serbia ta njohë Republikën e Kosovës", shkruan ai. 

Lajmi kryesor:

REAGIMET/ Marrëveshja Kosovë-Serbi, Osmani: Reciprocitet e barazi! Rama: Dialogu, në nivel të ri! Begaj: Mirënjohje SHBA-BE

SI.E./Shqiptarja.com

TAG:
• Marreveshja Kosove Serbi per dokumentet
• serbi
• kosove
• olta xhaçka
• edi rama
• tensione ne veri te kosoves