Haradinaj reagon për operacionin në Kosovë: Serbët të ruajnë qetësinë dhe të zbatojnë ligjin

Kryeministri i Kosovës Ramush Haradinaj ka reaguar lidhur me operacionin që po zhvillohet në veri të Kosovës. Haradinaj thotë se bëhet fjalë për zbatim të ligjit dhe asgjë tjetër. Ai i bën thirrje serbërve të veriut të ruajnë qetësinë dhe të respektojnë ligjin.

"Me urdhër të Prokurorit, në gjithë Kosovën aktualisht është duke ndodhur një operacion policorë, i drejtuar ndaj individëve të përfshirë në kontrabandë, krim të organizuar dhe vepra të tjera kriminale.

Disa prej personave të përfshirë në këto vepra janë zyrtarë doganorë, policë por edhe qytetarë të rëndomtë.

Operacioni u zhvillua me sukses edhe në Komunat Veriore të Kosovës.

Si Kryeministër i vendit, konfirmoj se bëhet fjalë për zbatimin të ligjit dhe asgjë tjetër.

Ftoj serbët e veriut ta ruajnë qetësinë dhe ta respektojnë ligjin!", shkruan Haradinaj.

Lajmi kryesor:

'Blic' në veri/ 4 efektivë të plagosur, 30 të arrestuar! Vuçiç: Ushtria të jetë gati, humbëm kontrollin mbi Kosovën

TAG:
• kosove
• aleksander vucic
• Mitrovice