TIRANE-  Ministrja Milena Harito akuzoi opozitën se kishte mbushur administratën me kunata e gra dhe janë të shqetësuar pikërisht për largimin e tyre. Nga  foltorja e Kuvendit Harito renditi një për të gjithë gratë e kunatat e deputetëve të opozitës të cilët ishin punësuar në administratën e qeverisë Berisha dhe qeveria Rama i gjeti në punë.

Në përgjigje ish kryeministri Berisha tha se është hera e parë që në qeveri janë 4 pjesëtarë të një familjeje.  

HARITO: “Jeni të shqetësuar për ata 7000 vetë që deklaroni ju, apo jeni të shqetësuar për listat e farefisit tuaj.  Jeni të shqetësuar për gruan e z.Kosova që punon në Ministrinë e Jashtme, për gruan e Saimir Shehrit në Ministrinë e Ekonomisë, për Gjergj Lezhën që ka gruan DAP dhe kunatën në Ministrinë e Mbrojtjes.

Mos jeni gjë të shqetësuar për Hasan Metukun që ka gruan apo për Roland Bejkon që ka vëllain në Ministrinë e Mbrojtjes, për gruan e Glori Hysit në Ministrinë e Arsimit, për znj.Rusmajli në Ministrinë e Financave apo që ka kunatën në Kryeministri, apo për motrën e z.Patozi në Ministrinë e Brendshme, për mbesën e Liri Berishës në Ministrinë e Integrimit, për kunatën e Genc Rulit në Ministrinë e Transportit, për znj.Mediu në Ministrinë e Energjisë apo kër gruan e Kuliqit në Ministrinë e Punëve të Brendshme se ky donte ta mbante gruan pranë.

Apo për vëllain e Gerti Bogdanit në Ministrinë e Jashtme. Nuk di dhe një gjë. Pse keni një numër kaq të madh kunatash??? 

Kunata pafund . Pse qëlloi që gjithë gratë kunatat duhej të ishin nëpër Ministrira. Po kur janë kaq të zotë këta, pse nuk shkojnë te sektori privat që paguan dhe më mirë.

Pse duhet të mbahet farefisi juaj me rrogat e shtetit. Pa harruar masat disiplinore që propozon KLSH, që e keni emëruar ju. Ju sugjeroj ti lexoni raportet se janë shumë interesant"

BERISHA: ASNJE ISH KRYEMINISTER SOCIALIST NUK KISHTE FAMILJE NE QEVERI, RAMA KA 4 PJESETARE

Në përgjigje ish kryeministri Berisha tha se është hera e parë që në qeveri janë 4 pjesëtarë të një familjeje. 

BERISHA: “Qytetarët janë të shqetësuar kur shohin Çuçin ministër, Xhillarin, burrin e Linda Bashës Kryetar bordi.  Janë të shqetësuar kur shohin kushëririn tënd të parë drejtor të MEICO. Ja zonja kuyshërirë si të mblidhen të gjitha ty si petalet e një kuaterfili. Ju përbëni gjysmën e qeverisë. Një familje. Ata kanë mend tre herë më shumë se ti. (flet për gratë e punësuara nga PD në administratë). Meritë e vetme është se je kushërirë Koleka. A ka figurë më të keqe se të përgojosh punonjës të administratës dhe i përdor me urrejtjen klasore të Spiro Kolekës. E di që emërimet sot i bën vetëm Olsi. A e di mirë sa merr Olsi për një emërim. Unë të thashë një pjesë të familjes e sojit tuj. Del me gjuhën e Kolekës, gjuhë të vjetër e të padenjë për një punonjëse. Jeni familja e vetme që keni 4 vetë në qeveri.  Kë kishte Fatos Nano, Bashkim Fino, Pandeli Majko, në qeveri nga familja e tij?

Ka replikuar me tona të ashpra edhe deputeti Mediu ndaj ministres Harito, duke i cilësuar gjykimet e saj të viteve `45, duke shtuar se nëse vëren shkelje nga bashkëshortja e tij ta lirojë nga detyra.

MEDIU- HARITOS: NESE GRUAJA IME KA BERE SHKELJE, MERRNI MASA 

MEDIU:“Eshtë për të ardhur keq për qeverinë dhe ju ministre Harito. Gruaja ime punon që në vititn 1992 në një administrisat, por është e turpshme që ju merreni me gjera të tilla dhe shpifje. Si kam thënë asnjëherë dikujt në paralament se ku i punojnë kunatata apo jo. Ju kërkoj si ministre se nëse ka shkelje minimale nga ana e bashkëshortes time, merrni masa, por nëse ecni me ligjin e 1945 atehere bëjni si në atë kohë. Nuk e prisja kurrë këtë gjykim nga ju, duhet të shikoni më shumë qëndrimet që mbani”-tha Mediu.

(Ndërkohë replikat kanë vazhduar në parlament edhe nga ish kryetrja Jozefina Topalli). 

TOPALLI: "Tju vijë turp se nuk jemi bijë të komunizmit. Nëse do më pa se ku janë fundërrimat e komunizmit i ken në krah. Je kryeministri i shqiptarëve, duhet të shërbesh të gjithëve njësoj, je përpjekur të prishësh kuvendin, me bilbila. Ne nuk kemi lënë ndonjë herë të mos zbatohet vendimi i Gjykatës Kushtetuese. Pse punoni çdo ditë kundër statusit të vendit kandidat? Opozita do bëjë punën e vetë, do bëjmë çdo gjë të marrim statusin, të zbatojmë vendimin e Gjykatës Kushtetuese." tha Topalli. 

(Ndërsa deputeti i PS Taulant Balla, ka vazhduar polemikat me Topallin duke e akuzuar se ka vënë në poste drejtuese nëpër ambasada persona të familjes së saj.)

BALLA, BERISHES: TERHIQ MBRAPSHT CFARE THE, PSE NUK FLET PER DHENDERIN E VELLAIN TEND

BALLA: "Do ishte e udhës që çdo deputet në këtë pjesë të seancës ti referohej proçesverbalit. Deputeti Berisha në seancën e shkuar fjalët kryesore ka pasur ftyrë palarë, kokë palarë, zhuls, ordiner. Në nenet 64, 65, 66 të rregullore së kuvendit, me këto fjalë përjashtohesh dhe kështu duhej të niste seanca, qoftë ky ish kryermninistër ose ish prsident. Po ato zhelet i harrove? Po ato ulu nejet i harrove? Si stë vjen turp të vish të thuash 8 vjet me rradhë e kam shpërdoruar atë foltore, se ta ka thënë raporti i bashkimit evropian “kryetarja shpërdoron” dhe raporti vazhdon më tej se si nuk u kuptua si u harxhua buxheti i kuvendit. Kujtoni se kemi pasur qeveri? Kemi pasur familje. Ti flet për nepotizëm kur ambasadat i mbushëm, pse nuk flet për dhëndërin tënd, po të vëllait tënd në konsullatë. Gjoni u hoq se bashkë me vajzën e një deputeti të PD kur duhej të kishe noj hall në konsullatë telefonata shkonte në Shkodër merrte lejen. Edhe ju Medihoxha nuk duhet të ankoheni për nepotizëm. Nuk kanë punë familjarët tanë në punë në shtet. Kur ka ndodhur në qeverinë shqiptare që menjëherë pas evidentimit të opozitës të shkarkohen punonjësit, e harruat Sefgjinin kur akuzohej për vrasje dhe ju e mbanit në punë? Në emër të grupit të PS fotj ti bindemi rregullores. Fjalët e Berishës herën e fundit janë të papranueshme. O ti tërheqë mbrasht o të ndëshkohet me 21 ditë pezulllim." u shpreh Balla.

(Më tej Berisha iu rikthye debatit dhe replikave duke vazhduar akuzat e tij për nepotizëm ndaj mazhorancës)

BERISHA: ME AKUZA DO TE MBULOSH NJE QEVERI NEPOTIKE

BERISHA: "Kryekreu juaj ose gjuan nga mata, ose përdor maska të shëmtuara sa shëmtira. Ai shërbehet nga individë që janë të dënuar në mënyrë të përsëritur për shpifje nga gjykatat. Ai shërbehet nga persona që janë të denoncuar për përdhunim dhe unë do e sjell dosjen në parlament, nga një vajzë e sëmurë me AIDS. Ai kujton se duke përmendur Elsa Kosovën që i ka bërë nder asaj ministrie, ka shërbyer vendit me përkushtim të madh, duke përmend zonjën Mediu që ka më shumë se 20 vjet në admninistratë, duke përmend individë do mund të mbulojë qeverinë e tij nepotike. Kushëriri i tij u bë drejtor i 'MEICOS', bëri burrin e ish gruas ministër, bëri motrën e Delinës zv drejtore të spitalit, bëri Xhillarin që ishte betuar se kurrë se merr gruan e shokut. Unë ju them një gjë, kurrë në jetën time nuk do të shtoj, por kurrë nuk do resht së denoncuari ato që duhen denoncuar. Këto janë stolitë në qeverinë tuaj." tha në replikën e tij Berisha.

(Ish-kryeministri iu rikthye akuzave për marrëvshjen e qeverisë me FMN teksa e cilësoi si jo të vërtetë, por se është një nismë e qeverisë për të rënduar edhe më tej ekonominë e shqiptarëve.)

BERISHA:MARREVESHJA ME FMN SJELL RITJE TE 10 TAKSAVE

BERISHA: "Por unë nuk dola për tju përgjigjur kryekreut tuaj, por për marrëveshjen e fshehtë me FMN, ku ju përpiqeni të fajësoni FMN për rritjen e 10 taksave dhe kjo marrëveshje është e vërtetë. Ajo nuk është vepër e FMN. Askush nuk ka negociuar më shumë se unë në 20 vjet me FMN, ata nuk imponojnë kurrë ata kërkojnë negociator, por kur u vë përballë njerëz që vendimet i marrin me iluzione, fondi është i detyruar të vërë kushtet e tij. Ju po lozni me këtë vend. Po ju marr një model ku ju kishit të drejtë të ndërhyni, po çbëtë, ju mohuat këtë model, dhe në momëntin më kyç rritet borxhin, defiçitet, cmimet. Dhe mbi këtë model mashtrimi tuajin, shqiptarët do paguajnë më shumë. U premtuat ulje taksash por i shtuat 100%, i premtuat legalzime falas, dje kryekreu juaj tha se ato janë bërë të korruptuara, por çdo njëri nga ata është më i ndershëm se ju, sepse askush nga ata ska ndërtuart pallat 5 katësh. Dhe mashtrimi i tyre do t’ju kushtojë. Vetëm në periferi të Tiranës kanë krijuar qytetin e 6, të 9, të 10 më të madh të vendit. Ata janë të ndershëm. Ju u morët votat se do legalizoni falas. Këtu do i keni se nuk gënjejnë ata. Nuk mund tua vidhni votën e ti shkelmoni. Tani do i legalizoni falas, se kur thoja se nuk falet toka e tjetrit, zotëria thoshte falas. Këto janë probleme të parlamentit. Marrëveshja me FMN parashikon largim masiv të investitorëve. Ministria lëviz çmimet e hidrocentraleve, por ato janë vendosur me marrëveshje. Sepse për të më mirë të importohet energjia sepse vidhet. Këtë frymë po fusni ju.” tha ish kryeministri Berisha.

RAMA:PD MBETURINE KOMUNSITE 

RAMA: Komunizmi vendoste edhe kush janë dashuritë e kushërinjtë. Nuk kam asnjë kushëri në qeveri. E kam sqaruar. Se kë kam kushëri nuk e vendos sekretari i Partisë i Enver Hoxhës. E kam provuar këtu me pemën e shtëpisë time. Vazhdoni t’i bini me dorë tavolinave.

Ju jeni ata që gjithçka ua kërkoni të tjerëve dhe s’e keni bërë vetë. E keni zhvatur deri në palc Shqipërinë dhe tani thoni: Kapni hajdutin.

Keni shkatërruar gjuhën në emër të etikës. Ka ndodhur në të shkuarën që nga një herë edhe ne të bëhemi pjesë e saj. Ndryshim është, jo se jemi nga natyra më të mirë, se shqiptarë jemi por kemi kulturë  shumë më të mire se tuajën. Shikoni ta disinfektoni parazitët e komunizmit që i keni majë kokës.

Opozita i ka dhën të drejtën të na vendosë kë kemi kushërinj edhe pa pasur

KETU MUND TE LEXONI CFARE NDODHI NE SEANCE DHE DEBATET E TJERA  SOT

Redaksia online
(sg/shqiptarja.com)