POP 5

Lajmet më të lexuara të 5 minutave të fundit

Kultura

Harrohet poeti disident Havzi Nela! Në 36-vjetorin e vdekjes, bashkëshortja e vetme kërkon drejtësi: Të dënohen xhelatët e diktaturës

Në 36 vjetorin e vdekjes, poetin e njohur Hazvi Nela, simbol i rezistencës anti-komuniste që u ekzekutua nga regjimi i kohës, e kujtoi vetëm bashkëshortja e tij, Lavdie Nela, e cila përsërit thirrjen për drejtësi.

Këtë herë e vetme, por nuk mund të mungonte. Si çdo 10 gusht, Lavdie Nela u shfaq me një tuftë lule në dorë pranë bustit të bashkëshorit të saj, poetit disdent Havzi Nela, që u ekzekutua nga regjimi komunist në Kukës për shkak të veprave dhe qëndrimeve kundër diktaturës.

Poeti disident i regjimit komunist dhe autori i mijëra vargjeve u dënua me vdekje dhe u var me litar në qendër të qytetit të Kukësit 10 gushtin e vitit 1988, ditë që mes thirrjesh të përsëritura ndaj autoriteteve qëndrore e lokale, bashkëshortja e tij kërkon të shpallet dita e rezistencës anti-komuniste.

“Kukësi duhet të nderohet me këtë emër. Unë kërkoj drejtësi. Ai që firmos ishte kryexhelati më i madh Femi Avdiu, kriminele Fatmire Laska, Liri Robo, Hekuran Isai, janë shumë emra që nuk kanë dalë para drejtësisë dhe as nuk i përmendin se nuk u dhimbet Havzi Nela. Data 10 gusht në formë institucionale të shapllet dita e qëndresës kombëtare për të gjithë të burgosurit politik”, shprehet bashkëshortja e poetit.

E zhëgnjyer nga autoritetet, pasi sipas saj nuk kanë vënë drejtësi për gjakun e Havzi Nelës, Lavdie Nela shprehet:

Diktatura enveriste, staliniste, gjakpirëse e pamëshirshme. Ai është martir i demokracisë, simboli i lirisë dhe heroi i kombit.  Këta kriminelët që dhanë vendimin, që firmosën e vulosën janë sot të lirë. Shtetit nuk ka ligje, sepse të kishte ligje i dënonin dhe i çonin në burg. Unë i dua në burg sepse nuk falet gjaku i tij!  Ka qënë i pafajshëm sepse ka kërkuar liri, demokraci, të drejtat e njëriut. Për liri e fali  jetën”.

Në 36 vjetorin e vdekjes së tij, i harruar nga autoritetet lokale, qëndrore apo edhe politika, i vetmi që shprehet për mikrofonin e Report TV është shkrimtari Petrit Palushi që i ka dedikuar disa vite studimit të figurës së Havzi Nelës dhe veprave të tij.

“Ditë tragjike për kuksianët sepse e kanë para të varur. U kryqëzua Havzi Nela për shkak të lirisë. Në orën 3.30 të mëngjesit dhe e kanë hequr nga vendi i ekzekutimit në 11 paradite. E kanë lënë trupin në një karroceri gjithë natën i kanë hedhur një mbulesë dhe i hidhnin ujë se ishte shumë nxehtë.

E kanë varrosur jo normalisht si gjithë të tjerët, por kanë gjetur një gropë shtylle elektrike bosh dhe e kanë hequr më 20 gusht të 1993, 5 vjet më vonë sepse nuk e tregonin se ku ishte”, kujton me dhimbje, Petrit Palushi.

Nga radhët e demokratëve, poetin Havzi Nela e ka kujtuar Lulzim Basha, përmes një postimi në rrjetet sociale ku e cilëson 'si monument njerëzor të rezistencës antikomuniste, të kurajos qytetare dhe intelektuale'.

“Le të kënaqet hasmi, le të qeshë i marri! Liria më thërret, vdekja nuk më tund.” ishin vargjet e fundit të Havzi Nelës disa muaj para ekzekutimit të tij në mës të qytetit.

 

R.D/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ilir: 11/08/2024 14:33

    HAVZIUN E VRAU KOMUNISTI KRISTAQ RAMA,,,BABAI I EDI RAMWS,,SA TURP..

    Përgjigju
  • E verteta: 10/08/2024 19:05

    Martir sepse i rembeu armen dhe plagosi nje ushtar kufiri gjate momentit qe vajten ta arestonin ne shtepine e nje mikut te tij i cili e kallezoi se po aratisej? Ju qe keni lexuar dosjen thojini gjerat siç ishin sepse ja keni borxh brezave, boll politizuat ceshtje banale duke krijuar martire dhe heronj te paqene.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, humb jetën 65 vjecari

Kurbin/ Humb kontrollin e mjetit dhe del nga rruga, humb jetën 65 vjecari

25 Dhjetor, 08:23