Harroi ngrohësen ndezur dhe i mori flakë shtëpia, vdes 50 vjeçari në Tiranë! Fqinjët: Jetonte vetëm! U munduam ta shpëtojmë por ishte djegur te fytyra e dora (VIDEO)

Një 50 vjeçar në Tiranë ka ndërruar jetë ditën e sotme sepse shtëpia e tij ka marrë flakë pasi dyshohet se ka harruar ngrohësen ndezur. 

Gazetari i Report Tv Sokol Dema raporton se 50-vjeçari ka ndezur ngrohësen në mes të dhomës së vogël, të cilës i kishte mbyllur edhe dritaret por fatkeqësisht e ka zënë gjumi. Zjarri nuk ka qenë i madh, por ka mjaftuar tymi për ta asfiksuar dhe për ta djegur në dorë dhe fytyrë.

Banorët thonë se 50 vjeçari jetonte i vetëm në atë banesë dhe kur kanë parë tymin janë përpjekur ta shpëtojnë por fatkeqësisht kishte ndërruar jetë pasi ishte djegur në fytyrë dhe dorë. Një banor i cili është përpjekur që ta shpëtojë ka thënë se kur e ka nxjerrë 50 vjeçarin ai ishte djegur te pjesa e fytyrës dhe te dora. Edhe fqinjët e tjerë kanë deklaruar se ndonëse ai jetonte vetëm nuk ka qenë problematik.

"Më datë 22.12.2020, rreth orës 09:22, në rrugën "Njazi Meka", ka rënë zjarr në një banesë, ku si pasojë e asfiksimit ka humbur jetën shtetasi P.C., rreth moshës 50 vjeç. Sherbimet e zjarrfikses ndodhen në vendngjarje dhe po punojnë për fikjen e zjarrit. Grupi hetimor vijon punën për sqarimin e rrethanave të ngjarjes dhe përcaktimin e shkakut të rënies së zjarrit", thotë policia.

1608633525_1608633469SHTEPI.jpg

 

Rendit zhvillimet sipas orarit:
Ora 12:07
50 vjeçari ndërroi jetë pasi i mori flakë shtëpia, fqinjët: U mundova ta shpëtoj por ishte djegur te fytyra dhe dora! Jetonte vetëm por jo problematik  

Një 50 vjeçar ka ndërruar jetë ditën e sotme në Tiranë, sepse shtëpia e tij u përfshi në flakë pasi dyshohet se kishte harruar ndezur ngrohësen.

Banorët thonë se 50 vjeçari jetonte i vetëm në atë banesë dhe kur kanë parë tymin janë përpjekur ta shpëtojnë por ai kishte ndërruar jetë pasi është djegur në disa pjesë të fytyrës dhe dorës, si dhe nga asfiksia.

Një i ri i cili është përpjekur që ta shpëtojë ka thënë se kur e ka nxjerrë 50 vjeçarin ai ishte djegur te pjesa e fytyrës dhe te dora.

"Dola pashë komshinjtë që po hidhinin kova me ujë. Në atë moment më erdhi nga brenda u futa brneda me e nxjerr se më thoshin se është gjallë. Unë se njof shumë se rri jashtë. E pashë  një moment e kapa dhe ishte mbuluar me batanije. E tërhoqa deri përjashtë por pashë se kishte mbaru. Ishte djegur te pjesa e fytyrës dhe te dora", tha i riu i cili ishte përpjekur që ta shpëtojë 50 vjeçarin.

Edhe fqinjët e tjerë kanë deklaruar se ndonëse ai jetonte vetëm nuk ka qenë problematik.

"E sollën këtu dhe sot në mëngjes e dogjën. E ka ble shtëpinë me 9 milion lekë. Ia ka ble një gruaje që ka qenë këtu. Kur erdhi zjarrfiksja e kam parë dhe thanë u dogj Seati brenda. Ai pinte ndonjëherë, nga halli se ishte vetëm, por shikonte punën e tij. Skishte njeri fare. Çuni im i ka dërgu krevat sustë dyshek të ri dhe bukë i jepte natë për natë. Asnjë tjetër, por donin ta zhdukinin. Që ti merrnin atë copë banese, se u prishte qetësinë gjoja", tha një banor.

"Edhe unë  e njof dhe se ka qenë njeri i vetmuar, e vetmuar jam dhe unë, banesën e kishte të vetën. Skishte as ujë as drita dhe ujë mbushte me bidona andej. Pinte se njeri i vetëm ishte. Njerëzit edhe mërziten. Ai pinte dhe rrinte aty. Njëherë e dogjën tani e kanë djeg për së dyti 3 ditë pasi ka dalë nga spitali", shtoi një tjetër.
 

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Erik: 22/12/2020 10:19

    U prehsh ne paqe!

    Përgjigju
  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Euro 2024/ Eriksen rikthehet me gol në Evropian dhe vendos rekord, Danimarka barazon 1-1 me Slloveninë

Euro 2024/ Eriksen rikthehet me gol në Evropian dhe vendos rekord, Danimarka barazon 1-1 me Slloveninë