POP 5

Lajmet më të lexuara të 5 minutave të fundit

Politikë

Hasani: Nga viti tjetër akademik 30 bursa për studentët e Luginës së Preshevës! Akomodim falas e mundësi punësimi nga Bashkia e Gjirokastrës gjatë verës

Ministri i Jashtëm, Igli Hasani ka zhvilluar një takim me përfaqësues të Këshillit Kombëtar Shqiptar të Luginës së Preshevës dhe universiteteve në Shqipëri. Ministri tha se duke filluar nga viti tjetër akademik 2024-2025, Shqipëria do të ofrojë 30 bursa në vit për studentët nga Lugina e Preshevës.

Qeveria shqiptare do të vijojë punën e saj të pakushtëzuar për mbështetjen e shqiptarëve që jetojnë në Luginën e Preshevës dhe kudo në rajon. Ministri për Evropën dhe Punët e Jashtme, Igli Hasani lancoi sot nismën “Për shqiptarët në rajon”, që nis me mundësitë e arsimit në Shqipëri të të rinjve në Luginën e Preshevës.

Pas takimit me përfaqësues të Këshillit Kombëtar Shqiptar të Luginës së Preshevës, rektorëve të 5 universiteteve në Shqipëri, përfaqësueve të 5 bashkive respektive,  Ministri Hasani nënvizoi se është është dakordësuar dhënia e 30 bursave të studimit dhe akomodim falas çdo për studentët nga Lugina e Preshevës, nga universitetet dhe bashkitë e Tiranës, Gjirokastrës, Vlorës, Shkodrës dhe Elbasanit.

“Nuk është e rastësishme që Shqipëria ka zgjedhur pikërisht arsimin si fokusin kryesor të mbështetjes për Luginën. Ne besojmë që pikërisht nga arsimi fillon e gjithë përpjekja për fuqizimin dhe rivitalizimin politik, ekonomik, kulturor e social të këtij komuniteti të bashkëkombësve tanë të cilët përballen me një situatë jo të lehtë dhe meritojnë gjithë mbështetjen tonë”, tha Ministri Hasani.

Shërbimi i Jashtëm i Republikës së Shqipërisë ka bërë një punë të mirë për të dakordësuar bashkëpunimin mes Unionit të Afaristëve Shqiptarë dhe Fondit Humanitar të Luginës së Preshevës me Dhomat e Tregtisë e Industrisë së Tiranës dhe Këshillin Kombëtar të Agro-bujqësisë.

Ndërkohë, janë duke u shqyrtuar me shumë prioritet, mënyrat sesi mund të ofrohet për Luginën, mbështetje për specializime në fushën e mjekësisë dhe të zhvillimit të praktikave mjekësore pranë spitaleve shtetërore apo private në Shqipëri por mundësitë e bashkëpunimit në fushën e kulturës dhe medias.

Përveç këtyre nismave, në të ardhmen e afërt, objektivat do të materializohen edhe me projekte të tjera në ndihmë të komunitetit shqipta.

“Së pari, për të frenuar  pasivizimin e adresave, çka padyshim është diçka që na shqetëson shumë. Së dyti, për njohjen e  diplomave dhe thellimin e shkëmbimeve kulturore, ekonomike e tregtare, sepse besojmë se kjo do të kontribuojë në afirmimin e të drejtave të shqiptarëve në Luginën e Preshevës; thellimin i bashkëpunimit me faktorin shqiptar, kudo në rajon. Garantimi i të drejtave të tyre të gjithë shqiptarëve dhe fuqizimi i tyre politik, social e ekonomik, janë prioritete të punës tonë”, nëvizoi Ministri për Evropën dhe Punët e Jashtme.  

Bursat për studentët e Luginës së Preshevës në sejcilin prej 5 universiteteve, akomidimi i tyre nga bashkitë respektive si dhe punësimi gjatë muajve të verës në disa prej qyteteve do të nisin nga viti akademik 2024 – 2025. Ndërkohë, në universitetin e Gjirokastrës nisën studimet 3 studentët e para nga Lugina e Preshevës.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 08/03/2024 01:21

    Keni bere shume mire qe mendoni per studentet shqiptare te viseve shqiptare te mbetura ne Serbi.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

26 Dhjetor, 07:53