SHKODËR-Shfaqja e shëmtuar e dhënë mbrëmjen e djeshme në stadiumin "Loro Boriçi" në ndeshjen Vllaznia-Tirana, për klubin eshkodran, ka ardhur si rezultat i "provokimit" nga ana e arbitrave, duke i akuzuar për gjykim të njëanshëm.
Në një reagim në faqen zyrtare të Vllaznisë, akuzohet në mënyrë të drejtpërdrejtë arbitri kryesor Enea Jorgji, të cilët pretendojnë se u ka mohuar dy penallti të pastra. Kjo, por edhe vendimet e tjera, të gjykuara nga klubi si të padrejta, kanë acaruar tifozët të cilët kanë reaguar duke hedhur shishet e stadiumit në fushë.
Klasikja e parë e futbollit shqiptar mes Vllaznisë dhe Tiranës e luajtur pasditen e djeshme në "Loro Boriçi" përfundoi me shifrat 0 me 2 në favor të bardhebluve. Ndërkohë, në përfundim të ndeshjes, autobusi i klubit të Tiranës u sulmua me gurë nga persona ende të paidentifikuar.
Deklarata e plotë
Klubi i Futbollit Vllaznia falenderon tifozerinë e mrekullueshme shkodrane për mbështetjen në ndeshjen me Tiranën. Si gjithmonë, tifozeria ishte “lojtari i 12-të” për kuqeblutë.
Nga shkallët e “Loro Boriçit” por edhe nga filmimet e mediave, u pa qartë se Vllaznia u penalizua nga një gjykim aspak profesional, aspak i paanshëm i arbitrave të ndeshjes dhe sidomos kryesorit Enea Jorgji.
Një sjellje e tillë e arbitrave penalizoi Vllazninë me mohimin e dy penalltive, njëra nga të cilat u pranua dhe nga vetë trajneri i ekipit kundërshtar dhe të gjithë specialistët në studiot sportive.
Gjatë gjithë ndeshjes, sjellja arrogante e arbitrit ishte provokuese dhe në dëm të garës e rezultatit të saj, rezultat i cili nuk reflektoi atë që u tregua në fushën e blertë.
Kjo jo vetëm acaroi futbollistët në fushën e lojës, por krijoi reaksion edhe tek tifozeria në shkallët e stadiumit.
Në Shkodër është luajtur dhe luhet futboll gjithmonë. Në “Loro Boriçi” janë duartrokitur ekipe që edhe kanë shënuar ndaj Vllaznisë tonë. Shkodra ka dhe do të ketë gjithmonë tifozerinë më të mirë në të gjithë Shqipërinë sepse Shkodra dhe futbolli janë në një simbiozë mëse njëshekullore.
Arbitrimi i Enea Jorgjit dhe ndihmësve të tij, solli një rezultat aspak të merituar për Vllazninë, e cila sivjet ka objektiva të qarta. Sivjet, Vllaznia me skuadrën që ka ndërtuar, me stafin teknik të përzgjedhur, ka synim të luftojë fort dhe ndershmërisht për trofetë e sezonit dhe pjesëmarrjen në Kupat e Europës.
Si gjithmonë, nuk kërkojmë asgjë më shumë se drejtësi në fushën e blertë e jashtë saj, gjykim të paanshëm dhe profesional në “Loro Boriçi” dhe në çdo stadium tjetër.
Komente
Lajme të tjera
-
Zyrtare/ Arinaldo Rrapaj prezantohet në Ukrainë, Partizani arkëton 900 mijë euro nga shitjet
26 Dhjetor, 13:23 -
VIDEOLAJM/ Shikoni trafikun kilometrik në hyrje e dalje të Tiranës
26 Dhjetor, 13:23 -
Mbledhja e qeverisë, 275 mijë familje dhe individë përfitojnë nga 15 mijë lekë shpërblim për fundvitin
26 Dhjetor, 13:06 -
'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit
26 Dhjetor, 12:40 -
Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike
26 Dhjetor, 10:27 -
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Hetimi pasuror, kryebashkiaku i Tiranës, Erion Veliaj prej 4 orësh në SPAK! Jep shpjegime si person që ka dijeni (VIDEO)
26 Dhjetor, 09:19 -
Sot Kukësi sfidon Egnatian në finalen e Superkupës, rrogozhinasit kërkojnë 'tripletën'! FSHF asnjë shpërblim për fituesin, Tetova: Duam trofeun
26 Dhjetor, 08:42 -
FOTOT/ Tirana shkëlqen për festat e fundvitit
25 Dhjetor, 21:16 -
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00
Të vjen keq për çka ndodh në Shkodër. Dikur këto 2 tifozeri mbaheshin më të kulturuarat në Shqipëri. Kom qen vetë prezent kur Vllaznia fitonte në Tiron dhe duartrokitej nga ne, tifozat e Tirones ashtu sikurse respektoheshim në maksimum kur triumfonte Tirona në Loro Boriçi! E të mendosh që atëherë këto dy ekipe luftonin kush nga të dyja do dilte kampion!!! Kurse tani që janë në pikën e tyre më të dobët futbollistike ndodhin këto dukuri! Mduket se vetëm tironca dhe shkodran nuk ka në mes të tifozëve!
PërgjigjuO klubi i Vllaznise, si ore nuk pasqyron rezultati 0-2 lojen ne fushe? Po Vllaznia beri as s'beri nje gjuajtje ne porte. Stervituni fort, ulni kryt e mos beni viktimen. Shikoni forconi sulmin e mbyllni birat ne mbrojtje. Arbitri ka fajet e veta, por po te ishte Vllaznia ekip kaq i mire, e merrte nje barazim. Dy golat ishin te drejte.
PërgjigjuShoku me vjen keq po ti nuk paske asnje lloj lidhjet me futbollin dhe ti nuk e di cfare do te thot te mohohet nje penallti e paster ne min e 8 dhe shume faulle kunder ndaj tejet me tendence nga arbitri ne fushe.