POP 5

Lajmet më të lexuara të 5 minutave të fundit

Ekonomi

Hekurudha Durrës-Prishtinë nga Shkodra drejt Gjakovës, kalon edhe mbi gjurmën e Vorë-Hani i Hotit! Projekti dorëzohet këtë vit! Kostoja, 700 mln euro

Hekurudha Durrës-Prishtinë, në rast se do të kalojë nga Shkodra, do të jetë pjesërisht gati, pasi në disa kilometra do të pjesë e gjurmës së hekurudhës Vorë-Hani i Hotit. Por ende nuk është dorëzuar projekti final nga kompanitë që po bëjnë studimin, ndërsa një kosto fillestare e përllogaritur për projektin është 700 milionë euro.

Hekurudha që do të lidhë Shqipërinë me Kosovën, pritet të kalojë pjesërisht në gjurmën ku do të ndërtohet hekurudha Vorë-Hani i Hotit.

Varianti i paralajmëruar një ditë më parë nga kryeministri Edi Rama e që është mbështetur nga ministri i Kosovës Liburn Aliu, parashikon që hekurudha të kalojë nga Durrësi, në Shkodër, për të vijuar në Gjakovë e më pas në Prishtinë.

Nëse vihet në zbatim ky projekt, me itinerar nga Shkodra, Hekurudha Durrës-Prishtinë, do të jetë pjesërisht e ndërtuar. Do të bëhet vetëm pjesa Durrës-Vorë, ndërsa linja nga Vora deri në Shkodër (Vorë, Laç, Lezhë, Mjedë, Shkodër-Hani i Hotit) do jetë e ndërtuar si pjesë e hekurudhës Vorë-Hani i Hotit e cila kalon për në Mali të Zi, dhe mbetet për t’u ndërtuar vetëm linja nga Shkodra drejtë Gjakovës për të përfunduar në Prishtinë.

Një zgjidhje e tillë mund të ulte edhe kostot për ndërtimin e gjithë projektit, i cili nga Ministria e Infrastrukturës dhe Energjisë është thënë se ndërtimi i hekurudhës kushton 700 milionë euro.

Për këtë projekt aktualisht është shpallur fituesit i tenderit që do të bëjë studimin e fizibilitetit dhe projekt-idenë për lidhjen hekurudhore Durrës-Prishtinë.

Bashkimi i dy operatorëve “ILF Consulting Engineers Austria GmbH” - ABKONS SH.P.K. që u shpallën fitues kanë afat deri në fund të këtij viti për të bërë studimin dhe për të ndërtuar projekt idenë e hekurudhës ku një nga pikat është edhe identifikimi i gjurmës ku do të kalojë ajo.

Në buxhetin e vitit 2024 janë vënë në dispozicion të projektit të fizibilitetit për këtë hekurudhë 50 milionë lekë.

Hekurudha Vorë-Hani i Hotit, po ndërtohet me financim nga institucionet ndërkombëtare si BERZH, Banka Evropiane e Investimeve apo ËBEF dhe kalon në 7 bashki Vorë, Krujë, Kurbin, Lezhë, Vau Dejës, Shkodër dhe Malësi e Madhe.

B.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • treni: 14/01/2024 22:15

    Po ndërtoni njëherë Hekurudhën Durrës - Tiranë që është më e shkurtër dhe e kollajshme dhe ka qënë një herë e ndërtuar e kështu mund që të përdoret e njëjta trase. ASNJË KRYEQYTET NË TË GJITHË BOTËN NUK ËSHTË SI TIRANA, PA STACION TRENI DHE HEKURUDHË.

    Përgjigju
    • Socialisti: 15/01/2024 07:39

      Hekurudha Durrës-Tiranë është diçka shumë e vogël. Ne jemi duke bërë projektin Durrës-Moskë-Washington.

  • AGIM SINOIMERI: 14/01/2024 19:56

    Hekurudha Durrës - Prishtinë e cila do të duhej të quhej (HEKURUDHA E KOMBIT) nuk ka shumë rëndësi nga do të kalojë, por në një pikë ka jashtëzakonisht rëndësi: gjithësesi duhet të kalojë pranë qytetit të Prizrenit. Arsyet janë shumta: Prizreni është kryeqyteti shpirtëror i të gjithë shqiptarëve në gadishullin Ballkanik (Lidhja Shqiptare e Prizrenit), të gjitha rrugët e trojeve shqiptare çojnë për në Prizren, sidomos ajo Prizren-Tetovë, e cila më së largu brenda gjysmës së dytë të këtij viti do filloj së ndertuari. Me këtë rrugë u lehtësohet shumë qarkullimi i shqiptarëve nga republika e Maqedonisë (V) në hapsirën gjithëshqiptare. Hekurudha në fjalë pa vèshtirësi mund të ketë edhe një segment Gjakovë-Prizren - qytete këto pranë njëri-tjetrit dhe me një terren jashtëzakonisht të përshtatshëm për hekurudhë.

    Përgjigju
  • Askushi: 14/01/2024 17:47

    Shume mirë që do rindertohen disa segmente të hekurudhës dhe plane për të ndërtuar të reja, po nuk po dëgjoj në ka plan për rindërtim e pjesës së mbetur nga Rrogozhina në Vlorë, ku mund të bëhet dhe zgjatja në aeroportin e ri të Vlorës që mbaron në fund të vitit.

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Shembet çatia në Maltë, plagosen rëndë dy punëtorë shqiptarë

Shembet çatia në Maltë, plagosen rëndë dy punëtorë shqiptarë

27 Prill, 07:47