PRISHTINË-Kuvendi i Kosovës ka miratuar ditën e sotme Projektligjin për ratifikimin e marrëveshjes së bashkëfinancimit për studimin e fizibilitetit dhe projekt-idesë për linjën hekurudhore Durrës-Prishtinë. Ministri i Mjedisit, Planifikimit Hapësinor dhe Infrastrukturës, Liburn Aliu, gjatë seancës së 21 korrikut bëri të ditur se kostoja totale për realizmin e studimit të fizibilitetit dhe projekt-idesë për ndërtimin e linjës hekurudhore parashihet të jetë mbi 1.9 milionë euro.
Për këtë projekt, ministri Aliu tha se nga buxheti i Kosovës do të ndahen 980 mijë euro, ndërkaq nga buxheti i Shqipërisë do të ndahen 1 milion euro.
“Aktualisht jemi në një fazë që mund të realizojmë projektin dhe të hapim mundësinë e krijimit të kësaj linje, e cila pastaj mund të shoqërohet me shumë projekte tjera që do të mundësonin qarkullimin e mallrave nga Porti i Durrësit në gjithë regjionin e Ballkanit Perëndimor, e që Prishtina do të ishte qendër e kryesore e shpërndarjes së këtyre mallrave”, tha Aliu.
Realizmi i linjës hekurudhore Durrës-Prishtinë do të mundësonte nisjen e projektit tjetër që është ndërtimi i dy porteve të reja tregtare: Porto Romano në Durrës dhe Porti i Thatë në Prishtinë. Ky projekt ishte prezantuar në mbledhjen e përbashkët të Qeverisë së Kosovës dhe asaj të Shqipërisë, e cila është mbajtur më 20 qershor në Prishtinë. Ndërtimi i portit turistik të Durrësit do të kushtoj rreth 2 miliardë euro, dhe po projektohet nga Emar Grup, ndërsa shërbimet që kryhen aktualisht aty, ngarkim-shkarkim mallrash apo dhe përpunim i tyre do të transferohen gradualisht në Porto Romano.
Sipas prezantimit të bërë nga Eric Smit, drejtor i kompanisë holandeze “Royal Haskoning”, e cila ka bërë projektin, Porti i Thatë në Prishtinë do të shfrytëzohej për zhdoganimin e mallrave, gjë që do ta lehtësonte pastaj ngarkesën në portin detar të Durrësit. Projekti i investimit në Porto Romano llogaritet se do të ketë ndikim pozitiv në bruto prodhimin e brendshëm të Shqipërisë, nga 3 për qind deri në 6 për qind, ndërsa për Kosovën ende nuk ka një përllogaritje të saktë.
Synimi është që të bëhet i mundur integrimi i infrastrukturës portuale dhe hekurudhore ndërmjet Shqipërisë dhe Kosovës duke realizuar një portë të klasit botëror për në Ballkanin Perëndimor, tha në prezantimin e projektit drejtori i kompanisë holandeze. Projekti i investimit në Porto Romano, në përfundim të tij përllogaritet të ketë një impakt pozitiv në GDP e Shqipërisë nga 3% deri në 6%, ndërsa për Kosovën ende nuk ka një përllogaritje të saktë, pasi porti i saj tokësor do të ketë kapacitet më të ulët.
Komente
Lajme të tjera
-
Hekurudha Vorë-Hani i Hotit, me standarde për tu përdorur dhe për qëllime ushtarake! Kredia 98 mln euro nga BERZH kalon tek 'Ligjet'
27 Maj, 18:26 -
Fatos Çoçoli: Hekurudha Tiranë-Rinas-Durrës: 60 milionë euro në vit fitim për qytetarët!
25 Maj, 10:18
-
Qeveria e Kosovës investon në Zapod të Kukësit, 2.3 mln euro për rrugën ndërkufitare Kërstec-Zapod
13 Mars, 14:36
-
Ndërtimi i Urës së Madhe në Kukës, ministri i Mjedisit në Kosovë: Lehtëson transportin mes dy vendeve
12 Mars, 13:18 -
Punimet për linjën hekurudhore, sot në orën 22:00 bllokohet qarkullimi automjeteve në Rrashbull! Mjetet do duhet të përdorin aksin Tiranë-Durrës
22 Shkurt, 16:04 -
‘Kosova projekt i përkohshëm’, ministri Liburn Aliu sqaron deklaratën që shkaktoi polemika
22 Janar, 22:46 -
Projekti i hekurudhës Kosovë- Shqipëri, Benet Beci pret ministrin kosovar Liburn Aliu
20 Janar, 13:25 -
Hekurudha Durrës-Prishtinë nga Shkodra drejt Gjakovës, kalon edhe mbi gjurmën e Vorë-Hani i Hotit! Projekti dorëzohet këtë vit! Kostoja, 700 mln euro
14 Janar, 15:11
-
Hekurudha Shqipëri-Kosovë do të kalojë nga Shkodra, Spiropali: Projekt strategjik, tjetër ritëm zhvillimi për kryeqendrën e veriut
10 Janar, 19:27 -
Shpërthen edhe një tren tjetër në hekurudhën ruse në Siberi
1 Dhjetor 2023, 17:42 -
Shpallet fituesi për projektin dhe studimin e fizibilitetit për hekurudhën Durrës-Prishtinë! Linja e re pritet të kushtojë 700 mln euro
15 Nëntor 2023, 11:23
-
Sunak anulon ndërtimin e hekurudhës Birmingham-Manchester për shkak të vështirësive financiare
4 Tetor 2023, 17:52
Shkodra ka qen dhe esht kryeqendra e gjith trojeve veriore shqiptare dhe ndaj kjo linje duhet te kaloj shkodra dhe nga gjakova, qe gjithashtu esht nje qender kulture. Ndaj mendoj qe malesia e shqiperis duhet te lidhet me kte hekurudhe Prishtin-Gjakove-Shkoder-Shengjin-Durres. Nuk esht e nevojshme te krijohet dhe nje linje tjeter nga autostrada aktuale, sepse eshte e mjaftueshme ajo qe kemi, gjithashtu neper nje territor qe ne gjysmen e tij esht i pabanuar...
Përgjigjudo kaloj dhe nga shkodra po per momentin po financohet per hekurudhen tirane durres ,hekurudha e shkodres esht akoma e amortizuar