POP 5

Lajmet më të lexuara të 5 minutave të fundit

Politikë

Helidon Bushati takim me pensionistët në Shkodër: Shëndetësia falas fasadë, premtojmë rritjen e pensioneve të paktën 5% në vit

Drejtuesi politik i fushatës së PD-së, Helidon Bushati, ishte sot i pranishëm në Shkodër, në një takim me pensionistët. Gjatë bashkëbisedimit me ta, Bushati tha se shëndetësia ishte vetëm një fasadë, duke akuzuar kryeministrin Edi Rama se e ka çuar vendin në një varfëri të jashtëzakonshme.

Helidon Bushati takim me pensionistët në Shkodër: Shëndetësia falas fasadë, premtojmë rritjen e pensioneve të paktën 5% në vit

Helidon Bushati gjatë takimit me pensionistët

Drejtuesi politik i fushatës së PD-së, Helidon Bushati, ishte sot i pranishëm në Shkodër, në një takim me pensionistët.

Gjatë bashkëbisedimit me ta, Bushati tha se shëndetësia ishte vetëm një fasadë, duke akuzuar kryeministrin Edi Rama se e ka çuar vendin në një varfëri të jashtëzakonshme.

Ndërsa u ndal te programi i PD-së, Helidon Bushati tha se do të mbështesë pensionistët, duke premtuar rritje të pensioneve me të paktën 5% në vit.

"650mijë pensionistë shqiptarë do kenë rritje të pensioneve çdo vit , me minimalisht 5% në vit dhe padyshim sa dyfishi i inflacionit nqs ka rritje të çmimit, të produkteve të shportës padyshim që do të ketë dyfishin pensionet në mënyrë që përballojë dhe të ketë rritje efektive të fuqisë blerëse", tha ai.

Bushati shtoi po ashtu PD do të luftojë korrupsionin dhe monopolet, që sipas tij, do ndikojë drejtpërdrejtë në uljen e çmimeve të ushqimeve.

"Elementë të tjerë që do të ndikojnë në rritjen e mirëqenies , në rritjen e të ardhurave është ulja e çmimit të produkteve ushqimore . Partia demokratike në kuadër të luftës ndaj korrupsionit dhe monopoleve do të ndikoj drejtpërdrejt në uljen e çmimeve të produkteve ushqimore , të cilat sot janë në nivelet më të larta si rrjedhojë e monopoleve të lidhura me pushtetin , të cilët importojnë produktet e importuara dhe ndikojnë në çmimin e tregut.

Angazhim i partisë demokratike është edhe ulja e çmimit të dritave, ato që ndikojnë drejtpërdrejt në xhepin tuaj. Për 70% të popullsisë dhe sidomos për shtresat në nevojë dhe pensionistët do të ketë reduktim të energjisë elektrike, do të ketë përmirësim të sistemit shëndetësor. Ilaçet e rimbursueshme do  jenë ilaçe me efektivitet jo produkte që kanë origjinë të dyshimtë, vet paketa e rimborsueshme për shtresat në nevojë dhe pensionistët do të zgjerohet dhe do të jetë plotësisht e mbuluar nga shteti", shtoi Bushati.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

‘Zengjini i qan hallin fukarait’, Veliaj i përgjigjet opozitës për çmimet e pronave: Këtyre që ulërasin poshtë Bashkisë, nuk u numërohen vilat me gishtat e njërës dorë

‘Zengjini i qan hallin fukarait’, Veliaj i përgjigjet opozitës për çmimet e pronave: Këtyre që ulërasin poshtë Bashkisë, nuk u numërohen vilat me gishtat e njërës dorë

11 Janar, 13:44