Moska ka akuzuar shtetet e Grupit të 7 vendeve më të industrializuara (G7), për “fushatë masive dezinformimi”, me qëllim rritjen e mbështetjes për sanksione ndaj Rusisë rreth rastit të helmimit të kritikut të Kremlinit, Aleksei Navalny.
Lideri opozitar, 44-vjeçar është duke u trajtuar në një spital në Berlin, pasi iu është përkeqësuar gjendja shëndetësore në Siberi muajin e kaluar.
Mjekët gjermanë kanë deklaruar se ai është helmuar me agjentit nervor të kategorisë ushtarake, Noviçok.
![](https://shqiptarja.com/template/img/NO_ALFA_Kuadrate shqiptarja.png)
Në një deklaratë të Ministrisë së Jashtme ruse thuhet se “sulmet pabazë ndaj Rusisë janë duke vazhduar” në kohën e “qasjes jokonstruktive të autoriteteve gjermane” dhe se “histeria rreth këtij rasti vetëm po vazhdon të rritet”, dhe se “detyra kryesore nuk është kujdesi për shëndetin e Navalnyt, apo zbulimi i arsyeve të vërteta por ‘mobilizimi për sanksione”.
Deklaratat e ekspertëve gjermanë se Navalny është helmuar me agjent të grupit Noviçok, kanë nxitur bashkësinë ndërkombëtare t’I bëj thirrje Rusisë që të nisë sa më shpejt hetimet për këtë rast.
Më 8 shtator, ministrat e jashtëm të G7-ës dënuan helmimin e Navalnyt dhe kërkuan që Rusia të dënojë ata që qëndrojnë mbrapa këtij akti.
Autoritetet ruse deri më tani kanë refuzuar që të nisin hetime penale për këtë rast.
Në mesin e kritikëve të Kremlinit që janë vrarë apo shënjestruar në vitet e fundit janë edhe gazetarja hulumtuese, Anna Politkovskaya, ish-zyrtari rus për siguri, Aleksandër Litvinenko, ish-zëvendëskryeministri rus, Boris Nemtsov, dhe agjenti i dyfishtë rus, Sergei Skripal dhe vajza e tij të helmuar me Noviçok në Sallsbëri të Britanisë më 2018.
Hetuesit britanikë kanë thënë se agjencitë ruse të sigurisë kanë qenë të përfshira në këtë sulm.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Politika eshte biznes,pushtet. Kjo dihet nuk ka nevoje persqarime te sqarime. Nje e thene e bukur nga dikush, nuk me kujtohet emir.. Ata duan te ndertojne ura edhe atje ku nuk ka lumenj.
Përgjigju