POP 5

Lajmet më të lexuara të 5 minutave të fundit

Kosova & Rajoni

Heqja e dinarit, DASH: Bisedimet mes Kosovës dhe Serbisë në Bruksel të vijojnë me urgjencë

Bisedimet në Bruksel për çështjen e dinarit serb duhet të jenë intensive, thotë Departamenti i shtetit në një deklaratë për mediat e Kosovës. reagimi vjen një ditë pasi në Bruksel u diskutua rregullorja e bankës qendrore për përjashtimin e tij nga pagesat.

Departamenti amerikan i Shtetit thotë se bisedimet në Bruksel për rregulloren e Bankës Qendrore të Kosovës që ndalon përdorimin e dinarit serb në Kosovë, duhet të vazhdojnë me urgjencë.

“Dialogu i ndërmjetësuar nga Bashkimi Evropian është kanali i duhur për zgjidhjen e çështjeve që kanë të bëjnë me normalizimin e marrëdhënieve mes Kosovës dhe Serbisë”, tha një zëdhënës i DASH-it për Radion Evropa e Lirë.

Ndërmjetësuesi i tyre, i dërguari i BE-së për dialogun Kosovë-Serbi, Mirosllav Lajçak, tha se shumë pikëpyetje politike për çështjen e dinarit serb në Kosovë, mbetën pa përgjigje, ndaj duhen takime shtesë.

Guvernatori i bankës qendrore Ahmet Ismaili, i cili udhëhoqi delegacionin e Kosovës u shpreh se nuk u diskutua për rregulloren, por për mundësitë që i ofron ajo për transferimin e shumave monetare nga shtetet e tjera në Kosovë.

Delegacionin e Serbisë e udhëhoqi kryenegociatori Petar Petkoviç, i cili tha se rregullorja e Bankës kërkon zgjidhje në nivel politik.

Bisedimet pasuan fuqizimin e kësaj rregulloreje, e cila e përcakton euron si valutën e vetme që mund të përdoret për pagesa të gatshme në Kosovë.

Por, rregullorja nxiti reagime të zemëruara të Beogradit zyrtar, i cili mbështet financiarisht komunitetin serb në Kosovë. Bashkësia ndërkombëtare shprehu, po ashtu, shqetësime për ndikimin e saj në jetën e qytetarëve serbë dhe kërkoi pezullimin e saj.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale

Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale

25 Dhjetor, 17:47