LEZHE - Bllokimi i lejeve të ndërtimit nga qeveria shqiptare për njesitë vendore, ka ndikuar negativisht për Bashkinë e Lezhës. Gjatë dy vitëve të fundit kjo njësi vendore është zhytur në krizë duke mos mundur që të realizojë asnjë investim me të ardhurat e saj.
 
Kryebashkiaku, Viktor Tusha, pohon se për shkak të privimit sa i takon lejeve të ndërtimit, bashkia rrezikon të përfshihet në një kolaps ekonomik.

"Në bazë të kapacitetit fiskal të hartuar në Bashkinë e Lezhës, por në çdo njësi vendore, volumi më i madh është e ardhura nga lejet e ndikimit nga infrastuktura, apo lejet e ndërtimit. Normalisht bllokimi i lejeve të ndërtimit ka ndikuar në rreth 32% të të ardhurave, të mos realizimit të të ardhurave për shkak të këtij bllokimi, duhet të bëhet tashmë plani kombëtar i zhvillimit në bazë të planeve rregulluese që njësitë vendore, komunat dhe bashkitë e shqipërisë kanë realizuar." shprehet Tushaj

Të ardhurat kryesore për Bashkinë e Lezhës kanë qenë nga lejet e ndërtimit, ndërsa bllokimi i tyre nga qeveria ka bërë që kjo njësi vendore të ketë probleme edhe me pagesat e punonjësve.
 
Premtimi ynë për shëndetësi falas nuk është në erë. Të gjitha zonat e Shqipërisë, përfshi edhe më të largët, do të kenë mundësi që për 5 njësitë lëvizëse të marrin shërbim shëndetësor falas. Do të doja të ndalesha pak më tepër në këtë pikë pasi kam parë me sytë e mi, nevojën që kanë njerëzit për shërbim shëndetësor. 

Redaksia Online
(e.c/shqiptarja.com)