Një djalë nga Zaporizhzhia, në juglindje të Ukrainës, u quajt "një hero i natës" nga autoritetet sllovake pasi thanë se ai kaloi vetë kufirin e Ukrainës për në Sllovaki.

11-vjeçari mbante një çantë shpine, një qese plastike dhe një pasaportë dhe kishte një numër telefoni të shkruar në dorën e tij, sipas Ministrisë së Brendshme të Sllovakisë.

"Ai erdhi i vetëm sepse prindërit e tij duhej të qëndronin në Ukrainë. Vullnetarët u kujdesën për të, e çuan në një vend të ngrohtë dhe i dhanë ushqim dhe pije”, tha ministria.

Deklarata, e postuar në faqen e ministrisë në Facebook, thoshte se falë informacionit të shkruar në dorën e djalit dhe në një copë letre që ishte palosur në pasaportën e tij, stafi në kufi ishte në gjendje të vihej në kontakt me të afërmit e djalit në Sllovaki të cilët më pas mundën të vinin dhe ta merrnin.

Më shumë se 1.2 milionë refugjatë janë larguar tani nga Ukraina që nga 24 shkurti, sipas OKB-së deri më 3 mars. Nga 1,209,976 refugjatët që kanë ikur, shumica e tyre, 53,7%, kaluan në Poloni .

Të tjerë kanë shkuar Hungari, Sllovaki, Moldavi dhe Rumani.