'Heroina e kokainën në Shqipëri nuk e sjellin zogjt' Balla: Forcojmë pikat kufitare! Presim drejtues të lartë para ligjit, s'mjaftojnë më policët bazë

Në konferencën për median ministri i Brendshëm foli për një forcim të kontrollit në pikat kufitare për të ndaluar trafikimin e lëndëve narkotike dhe aktiviteteve të tjera të paligjshme për të cilat nuk mund të kryhen pa dijeninë e drejtuesve.

“Kur kam marrë detyrën kam thënë se nuk ekziston një bimë narkotike të rritet pa një polic që nuk mbyll njërin sy apo një ar a parcelë që nuk ka drejtor nga prapa. E vërteta është që këto 5 muaj e 20 ditë në krye të ministrisë së Brendshme më kanë thënë të drejtë. Kemi 363 punonjës policie të arrestuar mes tyre dhe punonjës të përfshirë në grupe kriminale për trafikim apo kultivim të lëndës narkotike.

Ka plot operacione policore që janë kryer dhe do të vijojnë të kryhen në portin e Durrësit. Kemi dhe një operacion të AMP ku kemi të ndaluar dhe prokuroria po kryen hetimet por për të cilën nuk dua të ndikoj sepse nuk di cilit prej rasteve i referoheni. Të jeni të sigurtë ka vëmendje të shtuar dhe kërkesë të madhe llogarie. Fakti që ne kemi kapur gjithë këtë sasi lënde narkotike, 63 kg heroinë, 27 kg kokainë nuk prodhohen në Shqipëri. E këto nuk i sjellin zogjt. Prandaj na duhet ngritja në një nivel tjetër e kontrollit kufitar. Të jeni të sigurtë që bashkëpunojmë në mënyrë intensive me agjencitë partnere. Në momentin që flasim kemi 18 operacione ndërkombëtare. Ka një angazhim maksimal në ngritjen e digave të forta në pikat e kontrolleve tona në pikat kufitare.

LEXO EDHE:
Ceremoni rivarrimi për 5 Dëshmorë të Atdheut, Balla: Policia të shtojë përpjekjet për të fituar besimin e publikut

Balla kishte dhe një mesazh për drejtuesin e Agjencisë së Mbikqyrjes policore.

"AMP e di fare mirë. Drejtori i ri i agjencisë së mbikqyrjes policore e di fare mirë që mandati i tij është i lidhur me rezultate konkrete. Nuk mund të mjaftohemi më me shefa sektori e punonjës të nivelit bazë. Publiku pret drejtues të lartë të policisë së shtetit të cilët nëse janë të përfshirë në veprimtari kriminale duhet të përgjigjen para ligjit."

Lajmi kryesor:

Bilanci 2023 e prioritetet, Balla: Drejtimi i policisë 'Monopol' Në 2024 ndryshon ligji i gradave! Presim drejtues të lartë në pranga, s'mjaftojnë më policët bazë

S.G/KT/Shqiptarja.com

TAG:
• taulant balla
• bilanci 2023