'Heroninë me anije të fshehur në furgona e kamiona'/ Historia e 72-vjeçarit që u ekstradua sot në Itali, 7 vite në arrati 'fshihej' në Fier!

Maliq Hyka është një 9 emrat që ditën e sotme u ekstradua drejt Italisë,  pasi ishte dënuar nga gjykata italiane për trafik narkotike. 72-vjeçari për afro dy vite, kishte transportuar sasi të jashtëzakonshme heroine nga Shqipëria në Itali. Më pas kur u zbulua, për t'i shpëtuar prangave, ia mbathi në vendin e tij të origjinës. Por pas 7 vitesh në arrati i është dashur të dorëzohet.

72 vjeçari ishte zyrtarisht në kërkim nga policia italiane që nga viti 2012, pasi gjykata e Milanos kishte lëshuar për të një urdhërarresti.

Hyka ishte dënuar me 14.6 vite burgim për bashkëpunim dhe shpërndarje të trafikut ndërkombëtar të drogës. Ky bashkëpunim u zbulua, kur forcat e rendit kishin pikasur 6 burra, midis të cilëve edhe Maliq Hykën, tre djemtë e tij dhe dy të tjerë që transportonin drogë me anije, në furgon të vegjël ose kamion me targa greke dhe i shkarkonin në zonën e Madonninas.

Edhe pse 72 vjeçari ishte arratisur që nga viti 2012, në vitin 2016 policët e Catturandit ranë në gjurmët e tij për ta lokalizuar më pas në Fier ku edhe u ndalua. Bashkë me të u bllokua edhe djali i tij, Enea, që ishte në kërkim që nga viti 2017, por që kishte nisur një jetë të dytë me emrin në Mikel.

Lajmi kryesor:

EKSKLUZIVE/ Kush janë 9 shqiptarët e ekstraduar sot në Itali! Nga furnizimi i Europës me kokainë të pastër te heroina me anije...HISTORITË e tyre

B.K./Shqiptarja.com

TAG:
• ekstradim
• itali
• policia shqiptare
• xhimi isiu
• Luan Bodlli
• Florenc Mema
• Demokrat Cizmja
• Athanas Xhuveli
• Luan Delaj
• Renuar Nikolli
• Maliq Hyqa
• ekstradimi ne Itali i 9 shqiptareve