Hervin Çuli: Do të rishikoj kontratat 
po rikthej Luli Bitrin dhe Xhuvanin

Teatri Kombëtar nis këtë të enjte sezonin artistik me shfaqjen e premierës "Kujtesa e Ujit" të regjisores Rozi Kostani.
 
Kjo shfaqje hyn në kategorinë e komedive të zeza dhe bën fjalë për tri motra që mblidhen në një shtëpi të përmbytur për funeralin e nënës së tyre, ku pengu i së kaluarës është kredoja e përjetimeve emocionale. 

Sezoni artistik i këtij teatri sipas drejtorit Hervin Çuli do të ketë rreth 30 shfaqje repriza më tepër se në sezonin kaluar, ku theksohet se kjo nuk ka lidhje me shtimin e buxhetit për shfaqjet, por me hapjen e dyerve për trupat private të vetëfinancuara. 


Gjithashtu drejtori i teatri Çuli ka deklaruar rishikim e kontratave duke argumentuar se tashmë do të ketë kontrata nga 4 muaj deri në dyvjeçare. “Do të rikthej në teatrin Kombëtar Luli Bitrin dhe Luiza Xhuvanin”, ka deklaruar Çuli.

“Kujtesa e ujit” premierë e sjellë  nga një trupë private dhe mbështetur nga Ministria e Kulturës është vepër e autores angleze Sheila Stefanson.
 
 “Kujtesa e Ujit” do të shfaqet në orën 20.00 në Teatrin Kombëtar në Tiranë. Ky projekt është mbështetur nga Ministria e Kulturës e Shqipërisë.




Foto të tjera

Redaksia Online
Al.N/Shqiptarja.com