POP 5

Lajmet më të lexuara të 5 minutave të fundit

Politikë

Hetim personave që
morën lekë para kamerave

Transmetimi në emisionin “Fiks-Fare”, të pamjeve filmike ku tregoheshin disa studentë që merrnin lek në këmbim të dhënies së votës për zgjegjet lokale në Korçë, ka bërë që prokuroria e këtij qyteti të nisë hetimet për vëniën në përgjegjësi të autorëve të këtij krimi.
TIRANE- Transmetimi në emisionin “Fiks-Fare”, të pamjeve filmike ku tregoheshin disa studentë që merrnin lek në këmbim të dhënies së votës për zgjegjet lokale në Korçë, ka bërë që prokuroria e këtij qyteti të nisë hetimet për vëniën në përgjegjësi të autorëve të këtij krimi. Vendimi për nisjen e hetimeve është marrë nga prokurori i rrethit Alket Mersini, i cili momentalisht ka nisur verifikimit kryesisht për veprën penale 328 të Kodit Penal. Lidhur me këtë çështje është ngarkuar një oficer i policisë gjyqësore dhe një prokuror që të kryejnë në ditët në vijim të gjitha procedurat e administrimit të provave në dosje dhe marrjen në pyetje të personave që shfaqen në videon e trasmetuar në emisionin “Fiks-Fare”. Në pamjet filmike dallohet qartë se studentët korçarë shkonin në zyrat e Partisë Socialiste, për të marrë një shpërblim prej 20 mijë lekësh të vjetra pasi kishin hedhur votën në kutinë e qëndrës së votimit.

Sekuestro filmimeve
Mësohet se hapi i parë i prokurorisë së Korçës, do jetë sekuestrimi i pamjeve filmike të rregjistruara nga gazetarët e “Fiks-Fare”. Gjatë ditës së sotme pritet që në ambjentet e emisionit të paraqitet një oficer policie ku do të adminsitrojë të gjithë materialin bruto të filmuar. Pas kryerjes së këtij veprimi procedurial, burime thanë se do të trasnskiptohet e gjithë biseda, për të mësuar qartë se çfarë diskutohet mes protagonistëve të kësaj video-përgjimi. Gjatë hetimit do të kërkohet dhe nëse video është origjinale ose jo dhe më pas do të merren të gjithë personat në pyetje për të mësuar rreth pretendimeve të tyre për marrjen e lekëve, kundrejt dhënies së votës së kandidatit të PS Sotiraq Filo që aktualisht është shpallur fitues me 10 mijë vota diferencë nga rivali i tij demokrat Sotiraq Stratobërda.

10 dëshmitarë
Megjitthëse çështja ka vetëm 24 orë që është rregjistruar në prokurorinë e Korçës, burime pranë kësaj të fundit thanë se në ditët në vijim do të thërasin për të marrë në pyetje rreth 10 persona, që mëndohet se kanë dijeni rreth kësaj veprimtari të paligjshme. Pjesë e personave që do thiren do jenë dhe drejtuesit e të rinjve të FRESH në Korçë si dhe personat që identifikohen qartë nga pamjet filmike që do verifikohem me saktësi nga Oficerët e Policisë Gjyqësore. Sipas burimeve të prokurorisë pesronat që do të gjenden fajtorë për këtë çështje, do të akuzohen për veprën penale të “Dhënies së shpërblimeve dhe premtimeve” të parashikuar nga vepra penale 328 e Kodit Penal.

Shkrimi u publikua sot (6.11.2013) në gazetën Shqiptarja.com (print)

Redaksia Online
(d.d/shqiptarja.com­)

/Shqiptarja.com
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

SPAK, sfida tjetër me lavanderinë politike të mëkateve

SPAK, sfida tjetër me lavanderinë politike të mëkateve

7 Janar, 18:46 nga Lorenc Vangjeli