Presidenti i Filipineve, Rodrigi Duterte, ka kërcënuar se do të arrestojë një prokurore të Hagës, nëse kjo e fundit do të kryej hetime në vendin e tij. Në muajin shkurt,prokurorja e Hagës, Fatou Bensouda deklaroi se pas marrjes së një ankese nga një avokat, do të fillonte një hetim ndaj Duterte për krime ndaj njerëzimit si dhe ekzekutim të kriminelëve si një politikë shtetërore.
Duterte nga ana tjetër ka deklaruar se prokurorja nuk ka asnjë të drejtë për të kryer një hetim të tillë në Filipine, duke qenë se vendi I tij u largua para një muaji nga Statuti I Romës, ku presidenti i Filipineve deklaroi se do të vazhdonte operacione kundër drogës në vendin e tij, si pasojë e të cilëve janë vrarë mijëra persona.
Në nje deklaratë për mediat, Duterte e ka kërcënuar drejtpërdrejt prokuroren, duke thënë se ajo nuk ka asnjë autoritet në Filipine, pasi vendi nuk është më pjesë e traktatit dhe kryerja e një hetimi do të ishte I paligjshëm e si pasojë prokurorja do të arrestohej.
Ende nuk dihet nëse prokurorja ka nisur hetimin e saj në Filipine për krime ndaj njerëzimit. Që prej verës së vitit 2016, policia në Filipine ka vrarë më shumë se 4 mijë trafikantë droge të cilët i kanë rezistuar arrestimit. Nga ana tjetër aktivistë të të drejtave të njeriut thonë se numri i të vrarëve nga këto operacione është shumë më I madh dhe se pjesa më e madhe e tyre ishin ekzekutime, gjë të cilën autoritetet e Filipines e kanë mohuar.
Komente
